స్టార్ హీరో ప్రభాస్ నటించిన సాహో, రాధేశ్యామ్ నిర్మాతలకు కొంతమేర నష్టాలను మిగిల్చాయనే సంగతి తెలిసిందే. సలార్, ప్రాజెక్ట్ కే సినిమాలతో ప్రభాస్ సక్సెస్ ట్రాక్ లోకి వస్తారని ఫ్యాన్స్ భావిస్తున్నారు. అయితే ఈ సినిమాలతో పాటు ప్రభాస్ మారుతి డైరెక్షన్ లో ఒక సినిమాకు గ్రీన్ సిగ్నల్ ఇచ్చారని తెలుస్తోంది. ప్రభాస్ హీరోగా పరిమిత బడ్జెట్ లో ఈ సినిమా తెరకెక్కనుందని సమాచారం. అయితే ఈ సినిమాలో ప్రభాస్ కు జోడీగా కృతిశెట్టి ఎంపికయ్యారని ఇండస్ట్రీ వర్గాల్లో వినిపిస్తోంది.
ఉప్పెన, శ్యామ్ సింగరాయ్, బంగార్రాజు సినిమాలతో బ్యాక్ టు బ్యాక్ బ్లాక్ బస్టర్ హిట్లను అందుకున్న కృతిశెట్టి చేతిలో ఎక్కువ సంఖ్యలో సినిమాలు ఉన్నాయి. ఎలాంటి పాత్ర ఇచ్చినా ఆ పాత్రలో ఒదిగిపోయి నటిస్తూ కృతిశెట్టి సత్తా చాటుతున్నారు.ప్రభాస్ సినిమాలలో నటించి ఎంతోమంది హీరోయిన్లు తమ రేంజ్ ను పెంచుకున్నారు. ప్రభాస్ సినిమాలో నటిస్తే కృతిశెట్టి జాతకం కూడా మారిపోతుందని ఆమె ఫ్యాన్స్ అభిప్రాయపడుతున్నారు.
ఉప్పెన సక్సెస్ వల్ల ఊహించని స్థాయిలో ఫ్యాన్ ఫాలోయింగ్ ను పెంచుకున్న కృతిశెట్టి కెరీర్ విషయంలో ఆచితూచి అడుగులు వేస్తున్నారు. ప్రస్తుతం ప్రభాస్ మూవీ కాకుండా కృతిశెట్టి మూడు సినిమాలతో బిజీగా ఉన్నారు. అయితే ప్రభాస్ కు జోడీగా కృతిశెట్టి నటిస్తున్నట్టు అధికారిక ప్రకటన వెలువడాల్సి ఉంది. మారుతికి సైతం ఈ సినిమా సక్సెస్ ఎంతో కీలకమని చెప్పవచ్చు. ప్రభాస్ అభిమానులు పక్కా కమర్షియల్ సినిమా రిజల్ట్ కోసం ఆసక్తిగా ఎదురుచూస్తున్నారు.
పక్కా కమర్షియల్ సక్సెస్ సాధిస్తే మాత్రమే మారుతికి ప్రభాస్ ఛాన్స్ ఇవ్వాలని ప్రభాస్ ఫ్యాన్స్ కోరుకుంటున్నారు. ఈ సినిమాకు రాజా డీలక్స్ తో పాటు మరికొన్ని టైటిల్స్ ను పరిశీలిస్తున్నారని తెలుస్తోంది. ప్రభాస్ మారుతి కాంబో మూవీకి సంబంధించి త్వరలో అధికారిక ప్రకటన వెలువడనుంది. భవిష్యత్తు ప్రాజెక్టులతో కూడా కృతిశెట్టి వరుసగా విజయాలను అందుకుంటారేమో చూడాల్సి ఉంది.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
