సోషల్ మీడియా ద్వారా పాపులర్ అయిన భామల్లో కుషిత కళ్లపు ఒకరు. ఇలా చెబితే చాలా మందికి అర్థం కాదేమో.. అదే బజ్జీల పాప అంటే అందరికీ ఇట్టే అర్థమవుతుంది అనడంలో సందేహం లేదు. ఆ పేరు ఆమెకు ఎందుకు వచ్చింది అంటే.. గతంలో ఓ పబ్బుపై జరిగిన రైడ్ లో ఈమె దొరికింది. ఈమె ఎవరితో అయితే వెళ్లిందో అతను డ్రగ్స్ తీసుకుంటూ దొరికాడు. ఆ తర్వాత ఈమె మీడియాని ఫేస్ చేసినప్పుడు..
‘బజ్జీలు తినడానికి పబ్బుకి వెళ్ళాం’ అంటూ కవర్ చేశాం అంటూ చెప్పుకొచ్చింది. దీంతో ఆమెను విపరీతంగా ట్రోల్ చేశారు. అదే ఈమెకు ప్లస్ అయ్యింది. ఆ ట్రోలింగ్ వల్ల ఈమె బాగా పాపులర్ అయ్యింది. అదీ ‘బజ్జీల పాప’ అనే పేరుతో..! ఇదిలా ఉండగా.. ఈమె ‘బాబు నెంబర్ 1 : బుల్షిట్ గయ్’ అనే సినిమాలో ఈమె నటించింది. ఈ సినిమా ప్రమోషన్స్ లో ఈమె ‘గుంటూరు కారం’ సినిమా ప్రస్తావన తీసుకొచ్చి అందరికీ పెద్ద షాక్ ఇచ్చింది.
విషయం ఏంటంటే.. కుషిత (Kushitha Kallapu) ‘గుంటూరు కారం’ సినిమాలో నటించిందట. 4 రోజులు షూటింగ్లో పాల్గొందట. అయితే ఆమె ట్రాక్ సినిమాలో లేదు. ఈ రకంగా ‘గుంటూరు కారం’ యూనిట్ ఆమెకు అన్యాయం చేసినట్లు ఆమె ఆవేదన వ్యక్తం చేసింది. ఈ క్రమంలో ‘ ‘గుంటూరు కారం’ సినిమాలో హీరోయిన్ పూజా హెగ్డేనే తీసేశారు, నువ్వెంత’ అంటూ సోషల్ మీడియాలో నెటిజెన్లు ఫన్నీ సెటైర్లు వేస్తున్నారు.
‘యానిమల్’ ఫైనల్ గా ఎంత కలెక్ట్ చేసింది.. లాభం ఎంత?
ఈ వారం థియేటర్/ ఓటీటీల్లో స్ట్రీమింగ్ కాబోతున్న 15 సినిమాలు/ సిరీస్ .. ల లిస్ట్.!
కోపంతో ఊగిపోయిన మిడ్ రేంజ్ హీరో.. ఏం అయ్యిందంటే?
