బాలీవుడ్ లో యావరేజ్ టాక్ తెచ్చుకొన్న ‘తుమారీ సులు’ చిత్రాన్ని తమిళంలో జ్యోతిక టైటిల్ పాత్రలో రీమేక్ చేస్తున్న విషయం తెలిసిందే. విద్యాబాలన్ పాత్రలో జ్యోతిక రేడియో జాకీగా కనువిందు చేయనుండగా.. మరో ముఖ్యపాత్రలో మన మంచు లక్ష్మీ కనిపించనుంది. రాధామోహన్ దర్శకత్వంలో తెరకెక్కనున్న ఈ చిత్రంలో మంచు లక్ష్మీ కీలకపాత్ర పోషించనుంది. హిందీలో నేహా ధూపియా పోషించిన పాత్రను మంచు లక్ష్మి తమిళంలో రిప్రైజ్ చేయనుంది.
నిన్నటివరకూ ఈ చిత్రాన్ని తెలుగులో డబ్బింగ్ చేస్తారో లేదో అనే అనుమానం ఉండేది. ఇప్పుడు మంచు లక్ష్మి ఎంట్రీతో అది కన్ఫర్మ్ అయ్యింది. జ్యోతిక కూడా తెలుగులో ఎంట్రీ కోసం చూస్తుండడంతో ఈ “తుమారీ సులు” తమిళ రీమేక్ తెలుగులోనూ విడుదలయ్యే అవకాశాలు పుష్కలంగా ఉన్నాయి. ఈ చిత్రంలో సూర్య ఓ ప్రత్యేక పాత్ర పోషించే అవకాశాలు కూడా ఉన్నాయని వినికిడి. త్వరలో సెట్స్ కు వెళ్లనున్న ఈ చిత్రం మంచు లక్ష్మి నటిస్తున్న రెండో తమిళ చిత్రం కావడం విశేషం. ఇదివరకు మణిరత్నం “కడలి” చిత్రంలో ప్రత్యేక పాత్ర పోషించిన లక్ష్మి మళ్ళీ ఇన్నాళ్ల తర్వాత అంగీకరించిన తమిళ చిత్రం ఇదే.
