మోస్ట్ ఏవైటెడ్ ఫిలిమ్ ఆఫ్ టి.ఎఫ్.ఐ “లక్ష్మీస్ ఎన్టీఆర్” చిత్రం ఎప్పుడు విడుదలవుతుందా అని అందరు వెయిట్ చేస్తున్నారు. ముఖ్యంగా “ఎన్టీఆర్ కథానాయకుడు, మహానాయకుడు” చిత్రాలు ఫెయిల్ అవ్వడంతో “లక్ష్మీస్ ఎన్టీఆర్” చిత్రంపై అంచనాలు పెరిగిపోయాయి. ముఖ్యంగా.. సినిమా ట్రైలర్, పాటలు సినిమా మీద ఆసక్తిని మరింతగా పెంచాయి. నిన్నమొన్నటివరకూ సినిమా రిలీజ్ డేట్ విషయంలో క్లారిటీ లేదు. కాకపోతే.. సినిమా సెన్సార్ కి రెడీ అవుతుండడంతో మార్చి 15న వర్మ చిత్రాన్ని విడుదల చేయాలనుకుంటున్నాడని వార్తలొస్తున్నాయి. మార్చి దాటిందంటే.. మళ్ళీ ఎలక్షన్ కోడ్ మనుగడలోకి వస్తుంది కాబట్టి “లక్ష్మీస్ ఎన్టీఆర్” సినిమాకి రిలీజ్ కి ఇబ్బందులు రావచ్చు. అందుకే మార్చి 15 పర్ఫెక్ట్ డేట్ అని ఫిక్స్ అయ్యింది సినిమా యూనిట్.
సెన్సార్ అవ్వడం అనేది పక్కన పెడితే.. సరిగ్గా ఎలక్షన్స్ టైమ్ లో చంద్రబాబు నాయుడిని పూర్తిస్థాయి విలన్ గా చిత్రీకరిస్తూ తెరకెక్కించిన “లక్ష్మీస్ ఎన్టీఆర్”ను చంద్రబాబు ఆంధ్రాలో విడుదల చేయనిస్తాడా? అనే చర్చ మొదలైంది. ఆంధ్రప్రదేశ్ ముఖ్యమంత్రి అయిన చంద్రబాబుకి సినిమా విడుదలను ఆపడం అనేది పెద్ద విషయం ఏమీ కాదు. మరి ఆ సమయంలో వర్మ ఎలా రెస్పాండ్ అవుతాడో చూడాలి.
