టేకప్ చేస్తుందో.. ప్యాకప్ చెప్తుందో చూడాలి..!

అతితక్కువ సమయంలోనే టాలీవుడ్ లో టాప్ హీరోయిన్ గా ఎదిగింది. సౌత్ లో మొదట కోటి రూపాయల పారితోషికం తీసుకున్న హీరోయిన్ గా రికార్డు సృష్టించింది. ఆమె ఎవ్వరో ఈపాటికే మీకు అర్థమైపోయుంటుంది కదా..! యెస్.. మన ఇలియానా..! పవన్ కళ్యాణ్, మహేష్ బాబు, ఎన్టీఆర్, అల్లు అర్జున్, రానా, రవితేజ వంటి టాప్ హీరోలందరి సరసన నటించేసింది. తమిళ్ లో కూడా విజయ్ వంటి స్టార్ హీరో సరసన నటించింది. అయితే సౌత్ లో కెరీర్ పీక్స్ లో ఉన్న టైములో బాలీవుడ్ కు చెక్కేసి ఇక్కడి సినిమాలను తగ్గించేసింది.

అయితే అక్కడ కూడా పెద్దగా సాధించింది ఏమీ లేదనే చెప్పాలి. బాగా వెయిట్ పెరగడంతో అక్కడ కూడా ఆఫర్లు కరువయ్యాయి. ఇక సౌత్ లో కూడా ఆఫర్లు ఏమాత్రం రాలేదు. అలాంటి తరుణంలో రవితేజ.. ‘అమర్ అక్బర్ ఆంటోని’ సినిమాలో ఛాన్స్ ఇచ్చాడు. కానీ ఆ చిత్రం కూడా డిజాస్టర్ కావడంతో పూర్తిగా టాలీవుడ్ ప్రేక్షకులు గుడ్ బై చెప్పేశారనే చెప్పాలి. అయితే ఇప్పుడు ఈ భామకు తమిళ స్టార్ హీరో పక్కన నటించే అవకాశం వచ్చింది. ఆ స్టార్ హీరో మరెవరో కాదు..అజిత్. ఆయన తదుపరి సినిమా వినోద్ డైరెక్షన్లో చేయబోతున్న సంగతి తెలిసిందే. ఇప్పటి వరకూ అందరీ సీనియర్ హీరోయిన్స్ తోనూ నటించేసిన అజిత్.. ఈసారి ఇలియానా అయితే బెటర్ అని ఫిక్స్ అయ్యాడట. మరి ఈ సినిమా అయినా హిట్ అయ్యి ఈమెకు మరిన్ని ఆఫర్లు వచ్చేలా చేస్తుందోమో చూడాలి..!

వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!