Least Eligible Bachelor Review in Telugu: లీస్ట్‌ ఎలిజిబుల్‌ బ్యాచిలర్‌ వెబ్ సిరీస్ రివ్యూ & రేటింగ్‌!

త‌న ఆఫీస్‌లోనే ప‌నిమ‌నిషిగా వ‌ర్క్ చేసు సునీత‌ను ప్రేమిస్తుంటాడు. ఆ విష‌యం ఆమెకు చెప్ప‌డానికి భ‌య‌ప‌డుతుంటాడు. గోపీ (హైప‌ర్ ఆది)టీమ్ లీడ‌ర్‌. త‌నకింద ప‌నిచేసే అనూష‌ను(శ్రావ్య చౌద‌రి) ఎప్పుడూ తిడుతుంటాడు. గోపి ఓ మోడ‌ల్‌తో ప్రేమ‌లో ప‌డ‌తాడు. ఆ మోడ‌ల్‌…అనూష ఒక్క‌రే అనే నిజం అత‌డికి తెలిసిందా? తేజ‌, మ‌ధు ఒకే ఫ్లాట్‌లో ఉండ‌టానికి కార‌ణ‌మేమిటి? తేజ‌ను పెళ్లిచేసుకుంటాన‌ని చెప్పిన మ‌ధు అత‌డిని వ‌దిలేసి అమెరికా వెళ్లిపోయిందా? నాయుడు ప్రేమ‌ను సునీత అర్థం చేసుకుందా? అన్న‌దే ఈ వెబ్‌సిరీస్ క‌థ‌.

న‌టీన‌టుల ప‌నితీరు: తేజ అనే పాత్ర‌లో హ‌ర్ష‌చెముడు కామెడీ టైమింగ్ బాగుంది. త‌క్కువ డైలాగ్స్ ఎక్కువ ఎక్స్‌ప్రెష‌న్స్‌తో ఎంట‌ర్‌టైన్‌చేశాడు. ఇంట‌ర్వ్యూ ఎపిసోడ్‌, తండ్రితో క‌లిసి అమ్మాయికి సైట్ కొట్టే సీన్ హిలేరియ‌స్‌గా ఉన్నాయి. సిరీస్ మొత్తానికి కామెడీ ప‌రంగా హైప‌ర్ ఆది బిగ్గెస్ట్ ప్ల‌స్ పాయింట్‌గా నిలిచాడు. అత‌డి పంచ్‌లు నాన్‌స్టాప్‌గా న‌వ్విస్తాయి. సాఫ్ట్‌వేర్ ఉద్యోగుల క‌ష్టాలు, గొప్ప‌త‌నం గురించి చెప్పే ఎమోష‌న‌ల్ సీన్‌లో అత‌డి న‌ట‌న బాగుంది. సాఫ్ట్‌వేర్ గురించి ఏం తెలియని మేనేజ‌ర్ పాత్ర‌లో జీవ‌న్ కుమార్ పాత్ర‌ను ఫ‌న్నీగా రాసుకున్నారు డైరెక్ట‌ర్‌.

మ‌ధు పాత్ర‌లో ఐశ్వ‌ర్య హోల‌క్క‌ల్ సెటిల్డ్ యాక్టింగ్‌ను క‌న‌బ‌రిచింది. హైప‌ర్ ఆది, అనూష పాత్ర చేసిన శ్రావ్య చౌద‌రి కాంబినేష‌న్ వ‌చ్చే ప్ర‌తి సీన్ నుంచి కామెడీ బాగా జ‌న‌రేట్ అయ్యింది. జీవ‌న్ కుమార్‌కు జోడీగా శ్రీవిద్య నాచుర‌ల్ యాక్టింగ్‌తో మెప్పించింది. హ‌ర్ష‌చెముడు తండ్రిపాత్ర‌ధారి ప్ర‌స్టేష‌న్ వినోదాన్ని పంచిన బూతులు ఎక్కువ‌య్యాయి.

సాంకేతిక వ‌ర్గం ప‌నితీరు: “లీస్ట్ ఎలిజిబుల్ బ్యాచిలర్” కోసం బాబు డేగ‌ల రాసుకున్న క‌థ కొత్త‌దేమీ కాదు. ఈ పాయింట్‌తో గ‌తంలో చాలా సినిమాలు వ‌చ్చాయి. ట్రీట్‌మెంట్ విష‌యంలో డిఫ‌రెంట్‌గా ఆలోచించాడు. జెన్‌జీ ఆడియెన్స్‌కు క‌నెక్ట్ అయ్యేలా సాఫ్ట్‌వేర్ బ్యాక్‌డ్రాప్‌ను ఎంచుకోవ‌డం సిరీస్‌కు ప్ల‌స్ పాయింట్‌గా నిలిచింది. కామెడీ ఆరంభంలో బాగున్నా….పోను పోను త‌గ్గుతూ వ‌చ్చింది. కీల‌క‌మైన మ‌ధు, తేజ ల‌వ్‌స్టోరీని ఇంకాస్త డెప్త్‌గా రాసుకుంటే బాగుండేది.

వెబ్‌సిరీస్ అయినా ఇందులో పాట‌లు ఉన్నాయి. ట్రిప్ సీన్‌లో వ‌చ్చే పాట మెలోడీ ప్ర‌ధానంగా బాగుంది. బీజీఎమ్ కూడా ఓకే. శ‌ర్తి అర‌వింద్ సినిమాటోగ్ర‌ఫీ సినిమా స్థాయిలో ఉంది. నిర్మాణ విలువ‌లు కూడా ప‌ర్వాలేదు.

విశ్లేష‌ణ‌: మూడు జంట చుట్టూ సాగే క‌థ‌తో “లీస్ట్ ఎలిజిబుల్ బ్యాచిలర్” సాగుతుంది. ప్రేమ‌, పెళ్లితో పాటు ఉద్యోగ జీవితంలో వారు ప‌డే క‌ష్టాల‌ను వినోదాత్మ‌కంగా ఈ సిరీస్‌లో చూపించారు డైరెక్ట‌ర్ బాబు డేగ‌ల‌. సెంటిమెంట్‌, ఓవ‌ర్ ఎమోష‌న్స్ లేకుండా ప్ర‌తి సీన్ నుంచి కామెడీని రాబ‌ట్టుకోవ‌డానికే ప్ర‌య‌త్నించారు.

సాఫ్ట్‌వేర్ ఆఫీస్ సీన్ల‌లోని ఫ‌న్ ఈ సిరీస్‌ను కాపాడింది. క‌ర్స‌ర్ మిస్స‌య్యింద‌ని ఓ ఉద్యోగి మేనేజ‌ర్‌కు కంప్లైంట్ ఇవ్వ‌డం, ప్రాజెక్ట్ ఫైల్ పేర్ల గురించి గోపి, అనూష‌ మ‌ధ్య సాగే సంభాష‌ణతో పాటు హీరో ఇంట‌ర్వ్యూ ఎపిసోడ్ న‌వ్వించాయి. అదే టెంపో చివ‌రి వ‌ర‌కు ఉంటే బాగుండేది. పోనుపోను డోస్ త‌గ్గుతూ వ‌చ్చింది. అంత్యాక్ష‌రి ఎపిసోడ్‌, ట్రిప్ పేరుతో ద‌ర్శ‌కుడు సిరీస్‌ను సాగ‌దీసిన ఫీలింగ్ క‌లుగుతుంది. క్లైమాక్స్ కూడా ప్రెడిక్ట‌బుల్‌గా ఉంది.

మొత్తం ఆరు ఎపిసోడ్స్‌తో బాబు డేగ‌ల ఈ సిరీస్‌ను తెర‌కెక్కించారు. ప్ర‌తి ఎపిసోడ్ లెంగ్త్ ముప్పై నిమిషాలు…అంత‌కంటే ఎక్కువే ఉంది. క‌థ కోసం కాకుండా కామెడీ కోసం చూస్తే “లీస్ట్ ఎలిజిబుల్ బ్యాచిలర్” టైమ్‌పాస్ చేస్తుంది.

ఫోక‌స్ పాయింట్‌: చాలా మంది క‌మెడియ‌న్లు ఉన్నా న‌వ్వులు మాత్రం కొన్నే..

రేటింగ్: 2.5/5