Vijay, Puri: ‘లైగర్‌’ సినిమాలో ఇంకో పాట షూట్‌ చేస్తారట!

June 24, 2022 / 11:16 AM ISTByFilmy Focus

Join Us

Vijay, Puri: ‘లైగర్‌’ సినిమాలో ఇంకో పాట షూట్‌ చేస్తారట!

ఇదిగో మా సినిమా షూట్‌ అయిపోయింది అని గుమ్మడికాయ కొట్టేసి.. కొత్త సినిమాకు కొబ్బరికాయ కొట్టేశారు పూరి జగన్నాథ్‌ – విజయ్‌ దేవరకొండ. అయితే ఇప్పుడు గుమ్మడి కాయ కొట్టిన సినిమాకు మళ్లీ క్లాప్‌ కొడుతున్నారు అని తెలుస్తోంది. ప్రస్తుతం టాలీవుడ్‌లో ఇదే మాట వైరల్‌గా మారింది. ముంబయిలో విజయ్‌ దేవరకొండ – అనన్య పాండే మీద ఓ పాట చిత్రీకరణ చేయడానికి సన్నాహాలు చేస్తున్నారని టాక్‌ వినిపిస్తోంది. త్వరలోనే షూట్‌ ఉంటుందని సమాచారం.

పూరి జగన్నాథ్‌ రెగ్యులర్‌ స్టైల్‌కి వ్యతిరేకంగా ‘లైగర్‌’ సినిమాను ఏళ్ల తరబడి చిత్రీకరించారు. మధ్యలో కరోనా కష్టాలు లాంటివి వచ్చినా.. ఈ స్లోనెస్‌ పూరి జగన్నాథ్‌లో ఎప్పుడూ చూడలేదు మనం. అయితే సినిమా పూర్తయింది అని చెప్పాక కూడా ఇప్పుడు మళ్లీ మొదలుపెట్టడం ఏంటి అనే ప్రశ్న వినిపిస్తోంది. ఈ పాట కోసమే పూరి గత కొన్ని రోజులుగా ముంబయిలో ఉన్నారని చెబుతున్నారు. విజయ్‌ కూడా అక్కడే ఉన్నాడట. అంత ఇంపార్టెంట్‌ పాట ఏంటి అనేది చర్చ.

‘లైగర్‌’ సినిమాను ఆగస్టు 25న విడుదల చేస్తామని చిత్రబృందం ఎప్పుడో ప్రకటించింది. అందుకు తగ్గట్టే సినిమా ప్రచారాన్ని స్టార్ట్‌ చేయాలని చూస్తోంది. కనీసం నెల ముందు నుండి ప్రచారం మొదలుపెడితే దేశం మొత్తం చుట్టేయగలం అని అనుకుంటోంది. పాన్‌ ఇండియా స్థాయిలో రూపొందుతున్న సినిమా కాబట్టి ఆ మాత్రం ప్రచారం చేయాలి. ఈ లెక్కన ఈ నెలలో షూట్‌లు, ప్యాచ్‌ వర్క్‌లు పూర్తి చేసుకుంటే వచ్చే రెండు నెలలు ప్రచారానికి కేటాయించేయొచ్చు అనుకుంటోందట.

అయితే ఇప్పుడు తీస్తున్ సాంగ్ డ్యూయెట్‌ అని కొందరు అంటుంటే, ఇది ప్రమోషనల్‌ సాంగ్‌ అని ఇంకొందరు అంటున్నారు. మరి ఈ విషయంలో పూరి జగన్నాథ్‌ టీమ్‌ నుండి ఏమన్నా క్లారిటీ వస్తుందేమో చూడాలి. ‘జేజీఎం’ సినిమా షూటింగ్‌ అయితే ఇటీవల మొదలైంది. ఈ మేరకు టీమ్‌ ఓ వీడియో కూడా రిలీజ్‌ చేసింది. విజయ్‌, పూజా హెగ్డే మధ్య కీలక సన్నివేశాలు తెరకెక్కించారని చెబుతున్నారు. అంటే ఇప్పుడు ఆ సినిమా ఆపి, ‘లైగర్‌’ పనిలో పడ్డారా అనేది తెలియాలి.