వరుస సక్సెస్ లతో దూసుకుపోతున్న పవన్ కళ్యాణ్ కు.. డిజాస్టర్ అంటే రుచి చూపించిన చిత్రం ‘జాని’. ఆ చిత్రాన్ని స్వయంగా పవన్ కళ్యాణే డైరెక్ట్ చేసిన సంగతి అందరికీ తెలిసిందే. ‘గీత ఆర్ట్స్’ బ్యానర్ పై అల్లు అరవింద్ గారు ఆ చిత్రాన్ని నిర్మించడం.. అలాగే ‘ఖుషి’ వంటి ఆల్ టైం బ్లాక్ బస్టర్ మూవీ తర్వాత పవన్ నుండీ వచ్చిన చిత్రం కావడంతో విడుదలకు ముందు ఆ సినిమా పై భారీ అంచనాలు నమోదయ్యాయి. 2003 లో విడుదలైన ఈ చిత్రం ఘోర పరాజయాన్ని చవి చూసింది.
పవన్ కళ్యాణ్ అభిమానులను పూర్తిస్థాయిలో నిరాశపరిచిన చిత్రమిది. ఈ సినిమా పేరు తలుచుకుంటేనే పవన్ ఫ్యాన్స్ గుండెల్లో రైళ్లు పరిగెడుతుంటాయి. ఇప్పుడు ఈ సినిమా ప్రస్తావన ఎందుకు అనే డౌట్ మీకు రావచ్చు? విషయం ఏంటంటే.. పవన్ కళ్యాణ్ ప్రస్తుతం రానాతో కలిసి మలయాళం సూపర్ హిట్ మూవీ అయిన ‘అయ్యప్పనుమ్ కోషియమ్’ రీమేక్ లో నటిస్తున్న సంగతి తెలిసిందే. ఈ చిత్రం షూటింగ్ స్పాట్ నుండీ పవన్ కళ్యాణ్ పిక్ ఒకటి బయటకి వచ్చింది. ఈ పిక్ ను సరిగ్గా గమనిస్తే.. పవన్ కళ్యాణ్ చేతికి ఓ వైట్ కర్చీఫ్ చుట్టి ఉంది.
దాని పై ‘జాని’ పేరు ఉంది. దాంతో పవన్ ఫ్యాన్స్ లో కాస్త కంగారు మొదలైంది అని చెప్పొచ్చు. ‘జాని’ మూవీలో కూడా పవన్ కళ్యాణ్ ఇలాంటి కర్చీఫ్ ఒకటి నుదిటికి చుట్టుకుంటాడు. దాని పై కూడా ‘జాని’ అని రాసి ఉంటుంది. ఈ క్రమంలో ‘అయ్యప్పనుమ్ కోషియమ్’ కు ‘జాని’ కి సంబంధం ఏంటి? అనే ప్రశ్నలు వినిపిస్తున్నాయి. ఒకవేళ ఈ సినిమాలో పవన్ క్యారెక్టర్ పేరు ‘జాని’ అయ్యి ఉండొచ్చు అని కొందరు అభిప్రాయపడుతున్నారు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
