Little Things: తెలుగులోకి సూపర్ హిట్ రొమాంటిక్ సిరీస్.. ETV Win మాస్టర్ ప్లాన్

ఓటీటీ అనగానే మనకు గుర్తొచ్చేది నెట్‌ఫ్లిక్స్, అమెజాన్ ప్రైమ్. కానీ ఇప్పుడు ఆ గ్లోబల్ డిజిటల్ దిగ్గజాలకు దీటుగా మన లోకల్ ఓటీటీ ప్లాట్‌ఫామ్ ‘ఈటీవీ విన్’ (ETV Win) దూసుకుపోతోంది. తెలుగు ప్రేక్షకుల పల్స్ పట్టుకుని, క్లీన్ అండ్ సాలిడ్ కంటెంట్‌తో తనకంటూ ఒక స్పెషల్ మార్కెట్ క్రియేట్ చేసుకుంటోంది.

రీసెంట్‌గా మూడేళ్లు పూర్తి చేసుకున్న ఈటీవీ విన్.. ఆ యానివర్సరీ సెలబ్రేషన్స్‌లో భాగంగా ఏకంగా 9 కొత్త ప్రాజెక్టులను అనౌన్స్ చేసి ఓటీటీ ఆడియన్స్‌కు ఒకేసారి మాస్ జాతర చూపించింది. ఈ లైనప్‌లో అందరి దృష్టిని ప్రత్యేకంగా ఆకర్షించిన టైటిల్ ‘లిటిల్ థింగ్స్’ (Little Things). 2016లో డైస్ మీడియా ప్రొడ్యూస్ చేసిన ఈ హిందీ వెబ్ సిరీస్ అప్పట్లో డిజిటల్ స్పేస్‌లో ఒక సెన్సేషన్. నేటితరం ప్రేమకథలు, కపుల్స్ మధ్య ఉండే చిన్నచిన్న ఎమోషన్స్‌ను అద్భుతంగా చూపించిన ఈ సిరీస్..కి ఇప్పుడు తెలుగులో ప్రీక్వెల్ రాబోతుండటం ఆసక్తిగా మారింది.

ఈ క్యూట్ రొమాంటిక్ కామెడీ (Rom-Com) ప్రాజెక్ట్ ద్వారా కార్తికేయ కారెడ్ల దర్శకుడిగా ఇండస్ట్రీకి పరిచయం అవుతున్నాడు. డైరెక్టర్‌గా ఇది ఫస్ట్ ప్రాజెక్టే అయినా.. ఓటీటీలో మంచి ప్రశంసలు అందుకున్న ‘యాంగర్ టేల్స్’ (Anger Tales) సిరీస్‌తో పాటు, క్రేజీ ప్రాజెక్ట్ ‘హిట్ 3’ (Hit 3) రైటింగ్ టీమ్‌లో కూడా ఇతను కీ రోల్ ప్లే చేశాడు. రైటింగ్‌లో సాలిడ్ గ్రిప్ ఉన్న టాలెంటెడ్ పర్సన్ కావడంతో ఈ సిరీస్ ఔట్‌పుట్ పై మరింత ఆసక్తి పెరిగింది.

‘డైస్ క్రియేషన్స్’ భాగస్వామ్యంతో ‘ఈటీవీ విన్’ స్వయంగా ఈ సిరీస్‌ను నిర్మిస్తోంది. ఒరిజినల్ ఫీల్ ఏమాత్రం మిస్సవకుండా, మన తెలుగు నేటివిటీకి తగ్గట్లుగా ప్రెజెంట్ చేయబోతున్నారని పోస్టర్‌ను బట్టి అర్ధం చేసుకోవచ్చు. త్వరలోనే ఈ ప్రాజెక్ట్ రెగ్యులర్ షూటింగ్ స్టార్ట్ కానుంది. ఫ్యామిలీ, యూత్ ఆడియన్స్‌ను టార్గెట్ చేస్తూ వరుసగా హిట్స్ కొడుతున్న ఈటీవీ విన్.. మరి ఈ కల్ట్ క్లాసిక్ రీమేక్‌తో ఎలాంటి మ్యాజిక్ క్రియేట్ చేస్తుందో చూడాలి.

దీపికా పదుకొనే చేజారిపోయిన మరో బిగ్గెస్ట్ ప్రాజెక్ట్..?

A Little Before Little Things :
Rom-com meets reality,

Rolling Soon.

#pocketaceshq #dicemediainda @ihate9things1 @krishna_kri @ThisisNitin1111@Saikishore040 #Suhuruth#WinJathara pic.twitter.com/pjnMrAO756

— ETV Win (@etvwin) February 27, 2026