పవన్ అభిమానులను మెప్పించిన అల్లు అర్జున్

చెప్పను బ్రదర్.. అనే మాట అల్లు అర్జున్ కి కీడు చేసిన విధంగా ఎవరికీ నష్టం కలిగించి ఉండదు. పవన్ కళ్యాణ్ గురించి మాట్లాడమని అభిమానులు కోరగా బన్నీ తిరస్కరించడంతో… అతని సినిమాలను పవన్ ఫ్యాన్స్ దూరం పెట్టారు. సోషల్ మీడియాలో అల్లు అర్జున్ కి వ్యతిరేకంగా ప్రచారం నిర్వహించారు. ఈ గొడవ నా పేరు సూర్య విజయోత్సవ వేడుకతో ముగిసింది. ఈ కార్యక్రమానికి పవన్ ముఖ్యఅతిధిగా హాజరుకావడంతో మెగా హీరోలందరూ బన్నీపై శాంతించారు. తాజాగా అల్లు అర్జున్ పవన్ అభిమానులను మెప్పు అందుకున్నారు. అదెలా అంటే ?.. పవన్ కళ్యాణ్ జనసేన పార్టీ ని కుటుంబసభ్యుల అండదండలు లేకుండానే మొదలుపెట్టారు. మొదటగా చిన్న అన్న నాగేంద్రబాబు తమ్ముడికి మద్దతు ప్రకటించారు.

ఆ తర్వాత రామ్ చరణ్ తాను మద్దతు ప్రకటిస్తూ మెగా అభిమానులు బాబాయ్ వెంట ఉండాలని కోరారు. తాజాగా తాను పవన్ వెంట ఉంటానని అల్లుఅర్జున్ చిన్నమాట ద్వారా చెప్పారు. బన్నీ తన సోషల్ మీడియా(ఇన్ స్ట్రాగ్రామ్) అకౌంట్ ద్వారా పవన్ ప్రజా పోరాటానికి సంబందించిన ఒక ఫోటోను షేర్ చేస్తూ “మీ నిజమైన తత్వంతో మీరు బ్రతకండి.. ప్రపంచం దానికదే అడ్జెస్ట్ అవుతుంది” అంటూ పోస్ట్ చేశారు. అల్లు అర్జున్ కొటేషన్ పవన్ అభిమానులకు విపరీతంగా నచ్చింది. ప్రస్తుతం ఈ కొటేషన్ సోషల్ మీడియాలో ట్రెండ్ అవుతోంది.