Lokesh,Kamal: ‘విక్రమ్‌’ సినిమా షూటింగ్‌లో ఏం జరిగిందంటే..!

కమల్‌ హాసన్‌కు సినిమాలంటే పిచ్చి, ప్యాషన్‌.. నటన అంటే అదో రకమైన పూనకం వచ్చేస్తుంది అని చెబితే మీకు ఎలా అనిపిస్తుంది. ఛస్‌ ఊరుకోండి ఆయన సినిమా ప్యాషన్‌ గురించి చెప్పడానికి మనమెంత. ఆయన చేసిన పాత్రలు, నటించిన సినిమాలే వాటి గురించి చెబుతున్నాయి, చెబుతాయి కూడా అంటారా. అయితే ఆయన ‘సినిమా ప్యాషన్‌’ పుస్తకంలో ఓ పేజీని మీకు పరిచయం చేస్తున్నాం. ఈ విషయాన్ని చెప్పింది ఆయనతో ‘విక్రమ్‌’ అనే రీసెంట్‌ హిట్‌ ఇచ్చిన లోకేశ్‌ కనగరాజ్‌.

కమల్‌ హాసన్‌ నుండి ఫ్యాన్స్‌ ఆశిస్తున్న మాస్ కమర్షియల్‌ హిట్‌ని ‘విక్రమ్‌’తో అందించారు లోకేశ్‌ కనగరాజ్‌. హిట్‌ కొడితే చాలు అనుకుంటున్న సమయంలో ఏకంగా ఇండస్ట్రీ రికార్డులు బద్దలవుతున్న సినిమాను ఇచ్చాడు. ఈ సినిమాకు సంబంధించి కొన్ని ఆసక్తికరమైన విషయాలను లోకేశ్‌ చెప్పారు. సినిమా కథ, స్క్రిప్ట్‌ను సిద్ధం చేసి కమల్‌కి ఇచ్చారట. ఆది చూశాక, ఒకసారి రండి కలుద్దాం అని అన్నారట కమల్‌. దీంతో ఛేంజస్‌ చెబుతారామో అని వెళ్తే.. యాజ్‌ ఇట్‌ ఈజ్‌ ఇదే తీద్దాం అని స్వీట్‌ షాక్‌ ఇచ్చారట కమల్‌.

అలాగే సినిమా చూసుంటే… ఓ షాట్‌లో కమల్‌ ఫేస్‌ను చాలా క్లోజ్‌గా చూపిస్తారు. అందులో కమల్‌ కంటి నుండి కన్నీరు వస్తుంటుంది. ఆ సీన్‌కు సంబంధించి లోకేశ్‌ చెప్పిన విషయం తెలిస్తే ‘మహానటి’ సావిత్రి తప్పక గురొస్తుంది. ఆ క్లోజ్‌ షాట్‌ సీన్‌లో కమల్‌ కంటి నుండి నీరు రావాలి. అయితే సీన్‌ పూర్తయ్యాక చూసుకుంటే టైమింగ్‌లో కన్నీరు రాలేదట. దీంతో మరో షాట్‌కి వెళ్దాం అని లోకేశ్‌ చెప్పారట. కమల్‌ కూడా చాలా స్పోర్టివ్‌గా రెడీ అయ్యారట.

షాట్‌ రెడీ చేసుకొని యాక్షన్‌ అని చెప్పడానికి ముందు… యాక్షన్‌ అన్న ఎంతసేపటికి కన్నీరు రావాలి అని లోకేశ్‌ని అడిగారట కమల్‌. దానికి లోకేశ్‌ ‘మూడు సెకన్ల తర్వాత సర్‌’ అని చెప్పారట. అనుకున్నట్లుగా యాక్షన్‌ అని చెప్పగానే.. మూడు సెకన్లకు కమల్‌ కంట నీరు బయటకు వచ్చిందట. ఇదీ కమల్‌ హాసన్‌ అంటే.. అని గొప్పగా చెప్పారు లోకేశ్‌. బాగుంది కమల్‌ గొప్పతనంలో ఓ పేజీ. ఇలాంటి ఎన్ని ఉన్నాయో.

విరాటపర్వం సినిమా రివ్యూ & రేటింగ్!

Most Recommended Video

‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!