Love Story Movie: ఈ వారం కూడా ‘లవ్ స్టోరీ’ హవానే.. కానీ..!

October 1, 2021 / 09:12 PM ISTByFilmy Focus

Join Us

Love Story Movie: ఈ వారం కూడా ‘లవ్ స్టోరీ’ హవానే.. కానీ..!

మెగా మేనల్లుడు సాయి తేజ్ నటించిన లేటెస్ట్ మూవీ ‘రిపబ్లిక్’ ఈరోజే రిలీజ్ అయ్యింది. ‘ప్రస్థానం’ ఫేమ్ దేవా కట్టా దర్శకత్వంలో తెరకెక్కిన ఈ చిత్రాన్ని ‘జె.బి.ఎంటర్టైన్మెంట్స్’ ‘జీ స్టూడియోస్’ బ్యానర్ల పై జె.భగవాన్, జె.పుల్లారావు లు కలిసి నిర్మించారు. ఐశ్వర్య రాజేష్ హీరోయిన్ గా నటించింది. రమ్యకృష్ణ, జగపతి బాబు వంటి స్టార్ క్యాస్టింగ్ కూడా ఉంది. అయితే ఈ సినిమా పై మొదటి నుండీ బజ్ లేదు.

సాయి తేజ్ కు యాక్సిడెంట్ అవడంతో ఏర్పడ్డ సింపతీ అలాగే ప్రీ రిలీజ్ వేడుకలో పవన్ కళ్యాణ్ ఎమోషనల్ స్పీచ్ కొంత ‘రిపబ్లిక్’ ప్రమోషన్స్ కు హెల్ప్ అయ్యాయి.సాయి తేజ్ నటించిన గత 3 సినిమాలు ‘చిత్రలహరి’ ‘ప్రతిరోజూ పండగే’ ‘సోలో బ్రతుకే సో బెటర్’ వంటి చిత్రాలు హిట్ అయ్యి మంచి వసూళ్ళను సాధించాయి. కానీ వాటి స్థాయిలో ‘రిపబ్లిక్’ కు ఓపెనింగ్స్ నమోదు కాలేదు. టాక్ యావరేజ్ టు అబౌవ్ యావరేజ్ అన్నట్టు ఉంది. కానీ ప్రేక్షకులు ఈ మూవీ చూడడానికి ఇంట్రెస్ట్ చూపించడం లేదని స్పష్టమవుతుంది.

మార్నింగ్ షోలను గమనిస్తే కేవలం 30 శాతం బుకింగ్స్ మాత్రమే నమోదయ్యాయి. మ్యాట్నీ, ఈవెనింగ్ షో లకు కూడా పెద్దగా గ్రోత్ చూపించింది లేదు. అయితే గతవారం రిలీజ్ అయిన ‘లవ్ స్టోరీ’ కి ఈరోజు బుకింగ్స్ బాగానే ఉన్నాయి. ఆ చిత్రానికి 3 టికెట్లు సేల్ అయితే ‘రిపబ్లిక్’ ఒక టికెట్ సేల్ అవుతుంది. అలా అని ఆ చిత్రానికి కూడా హౌస్ ఫుల్స్ పడడం లేదు. రిపబ్లిక్ తో పోలిస్తే కొంతలో కొంత నయం అంతే..! పైగా ‘లవ్ స్టోరీ’ బ్రేక్ ఈవెన్ కావాలి అంటే మరో రూ.3.8 కోట్ల వరకు షేర్ ను రాబట్టాల్సి ఉంది.