సీరియస్‌ సినిమాలు చేసినా… అందులో లవ్‌ ట్రాక్ ఉండేలా చూసుకుంటాడు నందమూరి బాలయ్య. అందుకే ఆయన సినిమాలంటే యూత్‌ ఇష్టపడుతుంటుంది. మాస్‌ డైలాగ్‌లు, యాక్షన్‌ సీన్లను ఎంతగా ఎంజాయ్‌ చేస్తారో, లవ్‌ సీన్ల విషయంలోనూ అంతే ఆనందపడతారు. అందుకే బాలయ్య సినిమాల్లో ప్రేమ సన్నివేశాలు కంటిన్యూ అవుతూ ఉంటాయి. తాజాగా రూపొందుతున్న ‘బీబీ3’ (వర్కింగ్‌ టైటిల్)లోనూ లవ్‌ ట్రాక్ ఉందట. ఇప్పుడు ఇదే హాట్‌ టాపిక్‌ కూడా. ‘బీబీ3’లో బాలకృష్ణ ద్విపాత్రాభినయం చేస్తున్నారని వార్తలొస్తున్నాయి.
బాలయ్య -బోయపాటి అంటే ద్విపాత్రాభినయం కామన్‌ అనుకోండి. ఇది పక్కన పెడితే.. ఈ సినిమాలో ఓ నాయికగా ప్రగ్యా జైస్వాల్‌ నటిస్తున్న విషయం తెలిసిందే. ఇందులో ఆమె కలెక్టర్‌ పాత్రలో కనిపించబోతోందట. ఆమె పని చేస్తున్న జిల్లాలోని ఓ ప్రాంతంలో బాలకృష్ణ చేస్తున్న మంచి పనులు చూసి ప్రేమలో పడుతుందట. ఇదీ బీబీ3లో బాలయ్య లవ్‌ ట్రాక్. ఒక హీరోయిన్‌ లవ్‌ ట్రాక్ వరకు తెలిసిపోయింది. మరి రెండో హీరోయిన్‌ లవ్‌ ట్రాక్ ఏంటో తెలియడం లేదు.
ఇందులో రెండో హీరోయిన్‌గా పూర్ణ నటిస్తోందని భోగట్టా. మరి ఆమె పాత్ర ఏంటి, హీరో పాత్రతో ఆమె రిలేషన్‌ ఏంటి అనేది చూడాలి. మామూలుగానే బోయపాటి సినిమాల్లో హీరోతోపాటు, హీరోయిన్‌ పాత్రకూ వెయిట్‌ ఎక్కువగానే ఉంటుంది. చూద్దాం.. ఈ సినిమాలో ఎంత వెయిట్‌ ఉంటుందో!
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home