ఈ ఏడాది చిత్ర పరిశ్రమకి అస్సలు కలిసి రాలేదు.. వరుస ప్రమాదాలు, మరణాలు సంభిస్తున్నాయి.. టాలీవుడ్, బాలీవుడ్, కోలీవుడ్, శాండల్ వుడ్, మాలీవుడ్ ఇండస్ట్రీలకు చెందిన పలువురు సినీ ప్రముఖులు వివిధ కారణాల వల్ల మృతిచెందారు. ఈ వార్తలు ఇంకా మర్చిపోకముందే మరో మరణం సంభవించింది..
ప్రముఖ సంగీత దర్శకుడు ఎమ్.ఎమ్.కీరవాణి తల్లి బాల సరస్వతి కన్నుమూశారు.. అనారోగ్యంతో బాధపడుతున్న ఆమెను రెండు రోజుల క్రితం కుటుంబ సభ్యులు కిమ్స్ హాస్పిటల్లో జాయిన్ చేశారు.. చికిత్స పొందుతున్న క్రమంలో ఆరోగ్యం క్షీణించడంతో బుధవారం (డిసెంబర్ 14) మధ్యాహ్నం తుదిశ్వాస విడిచారు.. దీంతో కీరవాణి, రాజమౌళి కుటుంబాల్లో తీవ్ర విషాదం నెలకొంది..
రాజమౌళి సినిమాలకు తండ్రి విజయేంద్ర ప్రసాద్ కథలు సగం బలమైతే.. అన్నయ్య కీరవాణి ఇచ్చే సంగీతం మరో సగం బలం.. వీరిద్దరి సహకారంతోనే రాజమౌళి ఇప్పుడు ఇండియన్ సినిమాని ఇంటర్నేషనల్ లెవెల్కి తీసుకెళ్లారు. ‘ఆర్ఆర్ఆర్’ చిత్రానికి గానూ లాస్ ఏంజెల్స్ ఫిల్మ్ క్రిటిక్స్ అసోసియేషన్ కీరవాణికి ‘బెస్ట్ మ్యూజిక్ డైరెక్టర్’ అవార్డ్ ప్రకటించిన సంగతి తెలిసిందే..
ఈ సందర్భంగా మీడియా, సోషల్ మీడియా ద్వారా కీరవాణిపై ప్రశంసల జల్లు కురిపిస్తున్నారు.. ఇలాంటి సంతోష సమయంలో ఆయన తల్లి కన్నుమూయడం బాధాకరం.. కీరవాణి కుటుంబం శోకసంద్రంలో మునిగిపోయింది.. బాల సరస్వతి భౌతికకాయాన్ని రాజమౌళి ఇంటికి తరలించనున్నారని సమాచారం.. కీరవాణి తల్లి మరణంతో ఇండస్ట్రీలో విషాద ఛాయలు అలుముకున్నాయి..
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
