కోలీవుడ్ స్టార్ హీరో ఆర్ మాధవన్ గురించి ప్రత్యేకంగా పరిచయం చేయాల్సిన అవసరం లేదు. దాదాపు ఏడు భాషలలో సూపర్ హిట్ సినిమాలలో నటించిన కొందరి హీరోలలో మాధవన్ కూడా ఒకరు. మాధవన్ నటించిన ఎన్నో సూపర్ హిట్ సినిమాలు తెలుగులో డబ్ చేసి విడుదల చేయటం వల్ల ఈయన తెలుగు ప్రేక్షకులకు కూడా బాగా సుపరిచితమైన వ్యక్తి. మాధవన్ హీరోగా మాత్రమే కాకుండా విలన్ గా కూడా రాణించాడు. నాగచైతన్య హీరోగా నటించిన సవ్యసాచి సినిమాలో విలన్ పాత్రలో నటించి మెప్పించాడు.
ఇటీవల రాకెట్రీ సినిమా ద్వారా ప్రేక్షకుల ముందుకు వచ్చిన మాధవన్ ఈ సినిమాతో మంచి హిట్ అందుకున్నాడు. ప్రముఖ ఇస్రో శాస్త్రవేత్త నంబి నారాయణన్ జీవితం ఆధారంగా మధవన్ నటిస్తూ, దర్శకత్వం వహించిన ఈ సినిమా విడుదలైన నాటినుండి ప్రేక్షకుల నుంచి పాజిటివ్ రెస్పాన్స్ వచ్చింది. ఈ సినిమాలో మాధవన్ నటనకు సినీ ప్రముఖులు ప్రశంసలు కురిపించారు. తాజాగా సూపర్ స్టార్ రజనీకాంత్ కూడా ఈ సినిమాపై ప్రశంసలు కురిపించాడు. ఇదిలా ఉండగా మాధవన్ తనయుడు వేదాంత్ ఇటీవల 48వ జూనియర్ నేషనల్ ఆక్వాటిక్ ఛాంపియన్షిప్లో జాతీయ రికార్డ్ బద్దలు కొట్టారు.
గాతంలో కూడా వేదాంత్ డానిష్ ఓపెన్ 2022లో స్విమ్మింగ్‌లో రజత పతకాన్ని గెలుచుకున్నారు. ఇటీవల కూడా 1500 మీటర్ల ఫ్రీస్టైల్ ఈవెంట్‌లో 16:01.73 సెకన్లలో 16:06.43 సెకన్ల రికార్డును బద్దలు కొట్టి బంగారు పతకాన్ని సొంతం చేసుకున్నాడు. ఇటీవల వేదాంత్ క్రియేట్ చేసిన రికార్డ్ పై స్పందించాడు హీరో మాధవన్. తన కొడుకు విజయాన్ని గొప్పగా చెప్తూ వేదాంత్ స్విమ్మింగ్ కు సంబంధించిన వీడియోను ట్విట్టర్ వేదికగా షేర్ చేశాడు. ఈపోస్ట్ షేర్ చేస్తూ ఎప్పుడూ చెప్పకు అంటూ రాసుకొచాడు. 1500 మీటర్ల ఫ్రీస్టైల్‌లో జాతీయ జూనియర్ రికార్డ్ బద్దలు కొట్టినట్లు ‘ ఎప్పుడూ చెప్పకు అంటూ రాసుకొచ్చారు.
అయితే మాధవన్ షేర్ చేసిన ఈ వీడియోపై హీరో ఆర్య, ఖుష్బూ సుందర్, రాధిక శరత్ కుమార్ వంటి సినీ ప్రముఖులు స్పందిస్తూ వేదాంత్ కు శుభాకాంక్షలు తెలిపారు. కీర్తి సురేష్, మహేష్ బాబు, ప్రియాంక చోప్రా, కంగనా రనౌత్ వంటి సౌత్ ,నార్త్ ఇండస్ట్రీస్ కి చెందిన స్టార్ హీరో హీరోయిన్లు మాధవన్ తనయుడిపై ప్రశంసలు కురిపించారు. అంతే కాకుండా మాధవన్ అభిమానులు కూడా వేదాంత్ విజయం పట్ల సంతోషం వ్యక్తం చేస్తూ శుభాకాంక్షలు తెలియజేస్తున్నారు.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
