చాలా సంవత్సరాల తర్వాత మూడు ప్రముఖ నిర్మాణ సంస్థలు చేతులు కలిపి నిర్మిస్తున్న సినిమా “మహర్షి”. మహేష్ బాబు 25వ సినిమాగా అత్యంత ప్రతిష్టాత్మకంగా తెరకెక్కుతున్న ఈ చిత్రంలో మహేష్ సరసన పూజా హెగ్డే కథానాయికగా నటిస్తుండగా.. అల్లరి నరేష్ ఓ ముఖ్యపాత్ర పోషిస్తున్నాడు. వంశీ పైడిపల్లి దర్శకత్వంలో తెరకెక్కుతున్న ఈ సినిమా మూడు భారీ షెడ్యూల్స్ పూర్తి చేసుకొన్నప్పటికీ.. ఇప్పటివరకూ 60% టాకీ పార్ట్ కూడా పూర్తవ్వలేదంట. కోట్లకు కోట్లు బడ్జెట్ ఖర్చువుతున్నప్పటికీ.. ఇప్పటివరకూ సినిమా ఓ కొలిక్కి రాకపోవడంతో నిర్మాతలు కంగారు పడుతున్నారు.
సినిమా రిలీజ్ కి ఇంకా నాలుగు నెలల టైమ్ ఉన్నప్పటికీ.. బడ్జెట్ రోజురోజుకూ పెరిగిపోతుందడమే వారి కంగారుకి కారణం. వంశీ పైడిపల్లి అంటే మినిమం గ్యారెంటీ ఉంటుంది కాబట్టి నిర్మాతలు ధైర్యం చేస్తున్నప్పటికీ.. ఒక దర్శకుడికి సినిమా మీద మాత్రమే కాదు ప్రొడక్షన్ మీద కూడా కంట్రోల్ ఉండాల్సిన అవసరం చాలా ఉంది. ఇకపోతే.. ఈ సినిమాలో మహేష్ లుక్ మాత్రం అభిమానుల్ని విశేషంగా ఆకట్టుకొంటోంది. జనవారికి సినిమా ఫస్ట్ లుక్ ను విడుదల చేయాలని దర్శకనిర్మాతలు ప్లాన్ చేస్తున్నట్లు సమాచారం.
Home