మహేష్, మురుగదాస్ చిత్రానికి సంభవామి యుగే యుగే టైటిల్ అసంభవం

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ షూటింగ్ దాదాపు పూర్తి చేసుకున్నప్పటికీ టైటిల్ కూడా బయటికి రాలేదు. సినిమాకి సంబంధించి ఒక్క విషయం కూడా లీక్ కాకుండా చిత్ర బృందం జాగ్రత్త తీసుకుంటోంది. అంతేకాదు చిత్రంపై ఎటువంటి కామెంట్లు వచ్చినా దానికి వెంటనే ఖండిస్తోంది. ఏక కాలంలో తెలుగు, తమిళ భాషల్లో తెరకెక్కుతున్న ఈ ఫిల్మ్ కి వాస్కోడిగామా, స్టన్ గన్, ఎనిమీ, ఏజెంట్ శివ అని పేర్లు వినిపించాయి. కొన్ని రోజుల క్రితం సంభవామి అనే పేరు ప్రచారం లోకి వచ్చింది.  ‘విన్నర్’ ప్రీ రిలీజ్ ఈవెంట్లో నిర్మాత పీవీపీ మాట్లాడుతూ మహేష్ మూవీ పేరు సంభవామి యుగే యుగే  అని చెప్పారు. దీంతో ఈ పేరు ఫిక్స్ అనుకునేలోపు అది తమ చిత్రం టైటిల్ కాదని మురుగదాస్ టీమ్ ప్రకటించింది.

మహేష్ “సంభవామి యుగే యుగే” అనే టైటిల్ ని ఒప్పుకోరని సినీ విశ్లేషకులు చెబుతున్నారు. ఎందుకంటే నాలుగేళ్ళ క్రితం ఇదే పేరుతో తెలుగు చిత్రం వచ్చింది. దీనికి దర్శకుడు క్రిష్ కూడా కొంత పెట్టుబడి పెట్టారు. అయినా ఈ మూవీ ప్రమోషన్ లేక వచ్చినట్లు వెళ్లినట్లు కూడా తెలియదు. సో ఆల్రెడీ వచ్చేసిన మూవీ పేరుని తన చిత్రానికి ప్రిన్స్ పెట్టుకోరని వారి వాదన. అయితే సూపర్ స్టార్ తమిళంలో ఎంట్రీ ఇస్తున్న ఈ యాక్షన్ థ్రిల్లర్ మూవీ ఏ పేరు పెడుతారో అని ఇటు టాలీవుడ్, అటు కోలీవుడ్ ఎదురుచూస్తోంది.

Also, do SUBSCRIBE to our YouTube channel to get latest Tollywood updates.