ఇన్వెస్ట్ గేషన్ ఆఫీసర్ గా మహేష్!

సూపర్ స్టార్ మహేష్ బాబు పోకిరి, దూకుడు చిత్రాల్లో పవర్ ఫుల్ పోలీస్ ఆఫీసర్ గా ఇండస్ట్రీ రికార్డులను తిరగరాశారు. ఆగడు లోను అద్భుత నటన ప్రదర్శించారు. ప్రిన్స్ మరోమారు పోలీస్ ఆఫీసర్ గా వెండి తెరపై విరుచుకు పడనున్నారు. కమర్షియల్ డైరక్టర్ ఏఆర్ మురుగదాస్ దర్శకత్వంలో మహేష్ బాబు ఇన్వెస్ట్ గేషన్ ఆఫీసర్ (ఇంటర్ పోల్) గా శత్రువులకు చుక్కలు చూపించనున్నట్లు తాజా సమాచారం. అభిమానులు గర్వించదగ్గ సినిమా అవుతుందని డైరక్టర్ స్పష్టం చేశారు.

ఎం.వి.ప్రసాద్, ఠాగూర్ మధు సంయుక్తంగా నిర్మిస్తున్నఈ యాక్షన్ థ్రిల్లర్ మూవీలో ఫిట్ బ్యూటీ రకుల్ ప్రీత్ సింగ్ హీరోయిన్ గా నటిస్తోంది. గత వారం చెన్నైలో ఈ చిత్రం రెండో షెడ్యూల్ ప్రారంభమైంది. ఈ చిత్రీకరణలో మహేష్, ఎస్.జె.సూర్య, రకుల్ ప్రీత్ సింగ్, తమిళ నటుడు ఆర్జే బాలాజీ తో పాటు ప్రియదర్శి పాల్గొంటున్నారు. వీరిపై కీలక సన్నివేశాలను షూట్ చేస్తున్నారు. హరీష్ జయరాజ్ సంగీతం అందిస్తున్న ఈ సినిమా ఫస్ట్ లుక్ ని దసరాకు రిలీజ్ చేసేందుకు చిత్ర బృందం ప్లాన్ చేస్తోంది. ఈ ఫిల్మ్ వచ్చే వేసవిలో సందడి చేయనుంది.