ఇదిగో తోక అంటే అదిగో పులి అనేలా తయారైంది టాలీవుడ్‌ సోషల్‌ మీడియాలో పరిస్థితి. ఎక్కడో ఓ చిన్న పాయింట్‌ పట్టుకుని పెద్ద ఎత్తున వార్తలు పుట్టించే పరిస్థితి వచ్చింది. ఈ క్రమంలో మహేష్‌బాబు వర్కవుట్‌ వీడియోలు చూసి ‘రాజమౌళి సినిమా కోసమే’ అంటూ ఓ కథ అల్లేశారు. ఇదే కాదు, ఇలాంటివి ఎన్నో సెలబ్రిటీల విషయంలో అల్లేస్తున్నారు కూడా. తాజాగా ఆ వర్కవుట్‌ వీడియోల గురించి మహేష్‌బాబు స్పందించారు. దీంతో చాలా క్లారిటీలు వచ్చాయి.
యువతతో పాటు పెద్ద ఎత్తున మహిళా అభిమానులు మహేశ్‌ బాబు సొంతం. సోషల్‌ మీడియాలోనూ అదే పరిస్థితి. అందుకు తగ్గట్టే మహేష్ కూడా సోషల్‌ మీడియాలో చాలా చురుగ్గా ఉంటాడు. ఆయన అకౌంట్‌లో ఏదో ఒక అప్‌డేట్‌ ఉంటూనే ఉంటుంది. అయితే సినిమా గురించి, లేదంటే కుటుంబం గురించి, ఇంకా లేదంటే ఆయన చేసే సమాజ సేవల గురించి పోస్టులు కనిపిస్తుంటాయి. ఇటీవల కాలంలో అయితే వర్కవుట్‌ వీడియోలు వస్తున్నాయి. దీంతో ఇవన్నీ నెక్స్ట్‌ సినిమా కోసమే అంటూ ఓ పుకారు పుట్టించారు.
రాజమౌళితో మహేష్‌బాబు సినిమా అనే మాట బయటకు వచ్చేసరికి… ఈ వర్కవుట్‌లు ఆ సినిమా కోసమే అంటూ పుకార్లు వండి వార్చేశారు. తాజాగా ఓ ఈవెంట్‌లో పాల్గొన్న మహేష్ బాబు ఆ పోస్ట్‌లపై స్పష్టత ఇచ్చారు. జిమ్‌లో వర్కవుట్‌ చేసే వీడియోలు, ఫొటోలు ఎప్పటినుండో తాను షేర్‌ చేస్తున్నానని చెప్పారు. రాజమౌళితో సినిమా ఇంకా ప్రారంభం కాలేదని, అందుకు చాలా సమయం ఉందన్నారు. ఆ సినిమా కోసం ఎక్సర్‌సైజ్‌లు చేయడం మొదలు పెడితే స్వయంగా నేనే చెబుతా అని కూడా క్లారిటీ ఇచ్చాడు మహేష్.
మహేష్ (Mahesh Babu) ప్రస్తుత సినిమా సంగతి చూస్తే… త్రివిక్రమ్‌ దర్శకత్వంలో ‘గుంటూరు కారం’ చేస్తున్నారు. ఈ చిత్రంలో శ్రీలీల, మీనాక్షి చౌదరి హీరోయిన్లుగా నటిస్తున్నారు. ఈ సినిమాలో మహేష్‌బాబు గుంటూరు ప్రాంతంలో ఓ డాన్‌గా కనిపిస్తాడని ఇటీవల ఓ పుకారు వచ్చింది. అందులో ఓ హీరోయిన్ మరదలు కాగా, మరో హీరోయిన్ రిపోర్టర్‌గా కనిపిస్తుంది అంటున్నారు.
2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?
‘భోళా శంకర్’ తో పాటు కోల్‌కతా బ్యాక్ డ్రాప్ లో రూపొందిన 10 సినిమాల రిజల్ట్స్.!
‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్
