ఇద్దరు స్టార్ హీరోల సినిమాలు ఒకే రోజు రిలీజ్ అయితే థియేటర్ల వద్ద సందడే సందడి. అభిమానులు ఫుల్ హ్యాపీ. నిర్మాతలే అన్ హ్యాపీ. ఎందుకంటే థియేటర్ల కొరతతో ఓపెనింగ్స్ తగ్గిపోతాయి. అందుకే రిలీజ్ విషయంలో నిర్మాతలు ఆచితూచి అడుగులు వేస్తుంటారు. ఈ వేసవికి తాము వస్తున్నామంటూ అల్లు అర్జున్ “నా పేరు సూర్య” టీమ్ ముందుగా ప్రకటించింది. వక్కంతం వంశీ దర్శకత్వంలో తెరకెక్కుతున్న ఈ చిత్రం ప్రారంభం నాడే రిలీజ్ డేట్ ప్రకటించారు. ఇక కొరటాల శివ దర్శకత్వంలో మహేష్ చేస్తున్న భరత్ అనే నేను సినిమా సంక్రాంత్రికి రిలీజ్ చేయాలనీ అనుకున్నారు. షూటింగ్ ఆలస్యం కారణంగా వేసవికి వాయిదా వేశారు.
వారు కూడా ఏప్రిల్ 27 న తమ సినిమాని విడుదల చేస్తామని ప్రకటించారు. దీంతో రెండు సినిమాల మధ్య వార్ మొదలయింది. “మేము ముందే రిలీజ్ డేట్ ఫిక్స్ చేశాం. అయితే మమ్మల్ని సంప్రదించకుండా, మాతో ఓ మాట కూడా అనుకుండా అదే డేట్‌కు వాళ్ల సినిమా రిలీజ్ డేట్‌ను ప్రకటించేయడం సబబు కాదు” అని నా పేరు సూర్య నిర్మాతల్లో ఒకరైన బన్నీ వాసు ఆవేదన వ్యక్తం చేశారు. దీంతో రంగంలోకి దిగిన సినీ పెద్దలు రెండు సినిమా నిర్మాతల మధ్య రాజీ కుదిర్చినట్లు తెలిసింది. భరత్ అనే నేను సినిమాను ఏప్రిల్ 13న, నా పేరు సూర్య ఏప్రిల్ 27 న రిలీజ్ చేయాలనీ ఫిక్స్ చేశారు. ఈ రిలీజ్ తేదీలపై అధికారిక ప్రకటన త్వరలో చేయనున్నారు.
