టాలీవుడ్‌లో మల్టీస్టారర్‌ అంటే… ఠక్కున గుర్తొచ్చే సినిమా ‘సీతమ్మ వాకిట్లో సిరిమల్లెచెట్టు’. ఇద్దరు హీరోలు ఒక ఫ్రేమ్‌లో కనిపించాలి అంటే ఏ ఆడియో ఫంక్షనో, పెళ్లి ఫంక్షనో, అవార్డుల ఫంక్షనో లేక ఇంకే వేడుకో జరగాలి. కానీ వెంకటేశ్‌, మహేష్‌బాబు ఒక్కటై ఆ సినిమా చేసి టాలీవుడ్‌ ప్రేక్షకులకు మల్టీస్టారర్‌ రుచి చూపించారు. ఆ తర్వాత కొన్ని సినిమాలు సిద్ధమవుతున్నాయి. అయితే మళ్లీ చాలా రోజుల తర్వాత మరో మహేష్ మల్టీస్టారర్‌ సినిమా రెడీ అవుతోందట.
ఇందులో మహేష్ అంటే పడి చచ్చే యువ హీరో విజయ్‌ దేవరకొండ నటిస్తాడట. మహేష్‌తో ప్రస్తుతం ‘సర్కారు వారి పాట’ సినిమా చేస్తున్న పరశురామ్‌ దర్శకత్వంలో ఈ సినిమా ఉంటుందని టాక్‌. కొన్ని రోజుల క్రితం పరశురామ్‌ ఓ మల్టీస్టారర్‌ కథను మహేష్‌కు చెప్పాడట. దీనిపై సూపర్‌ స్టార్‌ కూడా ఆసక్తి చూపిస్తున్నాడట. మరి రెండో హీరో ఎవరు అనే ప్రశ్న మొదలైందట. దానికి సమాధానం విజయ్‌ దేవరకొండ అని వినిపిస్తోంది. పరశురామ్‌ అడిగితే విజయ్‌ నో అనే పరిస్థితి ఉండదు.
ఎందుకంటే ‘గీత గోవిందం’ లాంటి కెరీర్‌ బ్లాక్‌బస్టర్‌ ఇచ్చాడు. ఇక మహేష్ అడిగినా విజయ్‌ నో చెప్పడు. ఎందుకంటే అంతిష్టం మహేష్ అంటే విజయ్‌కి. సో మల్టీస్టారర్‌కి గ్రౌండ్‌ సెట్‌ అయ్యింది. ఇప్పుడు సెట్‌ అవ్వాల్సిందల్లా మహేష్‌బాబు డేట్లు ఫిక్స్ అవ్వాలి. ప్రస్తుతం మహేష్ వరుస సినిమాలతో బిజీగా ఉన్నాడు. ‘సర్కారు వారి పాట’ తర్వాత త్రివిక్రమ్‌ సినిమా స్టార్ట్‌ అవ్వాలి. ఆ తర్వాత రాజమౌళి సినిమా ఉంటుందని గతంలోనే చెప్పారు.
ఈ రెండు సినిమాల తర్వాతే పరశురామ్‌కి ఛాన్స్‌ వస్తుంది. ఈలోపు కథ మీద ఆయన చాలా రోజులు కూర్చోవచ్చు. అయితే ఈ సినిమాకు ఎవరు నిర్మాత అనే ప్రశ్న కూడా రావొచ్చు. ఇంకెవరు మైత్రీ మూవీ మేకర్సే అంటున్నారు. ఎందుకంటే మహేష్, విజయ్‌, పరశురాం డేట్స్‌ ప్రస్తుతం వాళ్ల దగ్గరనున్నాయని టాక్‌ నడుస్తోంది. సో మైత్రీ వాళ్లు మరో బిగ్‌ మూవీకి ప్లాన్‌ చేస్తున్నారన్నమాట. ఇది పాన్‌ ఇండియా సినిమానే అవుతుందేమో.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
