మహేష్ బాబు త్రివిక్రమ్ శ్రీనివాస్ కాంబినేషన్ లో తెరకెక్కిన గుంటూరు కారం సినిమా రిలీజ్ కు మరికొన్ని గంటల సమయం మాత్రమే ఉంది. రెండు తెలుగు రాష్ట్రాల్లో టికెట్ రేట్ల పెంపుకు గ్రీన్ సిగ్నల్ రావడంతో ఈ సినిమా ఫస్ట్ డే కలెక్షన్లు భారీగా ఉండే ఛాన్స్ ఉంది. గుంటూరు కారం మూవీకి రికార్డ్ స్థాయిలో బుకింగ్స్ జరుగుతున్నాయి. హైదరాబాద్ లో ఈ సినిమాకు టికెట్లు దొరకడం కూడా కష్టమవుతోంది.
హైదరాబాద్ లోని ప్రముఖ మల్టీప్లెక్స్ లలో గుంటూరు కారం షోలు రికార్డ్ స్థాయిలో ప్రదర్శితమవుతున్నాయి. గుంటూరు కారం సెంటిమెంట్స్ లో సంక్రాంతి సెంటిమెంట్ ఒకటి కాగా మహేష్ కెరీర్ లో సంక్రాంతి కానుకగా రిలీజైన సినిమాలలో మెజారిటీ సినిమాలు సక్సెస్ సాధించాయి. టక్కరి దొంగ, 1 నేనొక్కడినే మాత్రమే సంక్రాంతి కానుకగా విడుదలై ఆశించిన ఫలితాలను సొంతం చేసుకోలేదు.
ఈ విధంగా (Mahesh Babu) మహేశ్ కు సంక్రాంతి సెంటిమెంట్ ప్లస్ కాగా మహేష్ బాబు, ప్రకాష్ రాజ్ కలిసి నటించిన సినిమాలలో మెజారిటీ సినిమాలు బ్లాక్ బస్టర్ హిట్లుగా నిలిచాయి. ఈ రెండు సెంటిమెంట్ల వల్ల గుంటూరు కారం మూవీ బాక్సాఫీస్ వద్ద బ్లాక్ బస్టర్ హిట్ గా నిలుస్తుందని ఫ్యాన్స్ ఫీలవుతున్నారు. గుంటూరు కారం సినిమాకు చివరి 20 నిమిషాలు మరింత హైలెట్ కానుందని తెలుస్తోంది. కథనం కొత్తగా ఉండేలా త్రివిక్రమ్ జాగ్రత్తలు తీసుకున్నారని సమాచారం.
అరవింద సమేత, అల వైకుంఠపురములో సినిమాల తర్వాత త్రివిక్రమ్ డైరెక్షన్ లో తెరకెక్కిన సినిమా కావడంతో త్రివిక్రమ్ ఈ సినిమాతో హ్యాట్రిక్ సాధిస్తారని ఫ్యాన్స్ ఫీలవుతున్నారు. గుంటూరు కారం సినిమా తెలుగు వెర్షన్ మాత్రమే విడుదలవుతున్నా ఈ సినిమా టాలీవుడ్ ఇండస్ట్రీ మెమరబుల్ హిట్లలో ఒకటిగా నిలుస్తుందని ఫ్యాన్స్ భావిస్తున్నారు. మాస్ సినిమాలను ఇష్టపడే ప్రేక్షకులను మెప్పించేలా ఈ మూవీ ఉండనుందని తెలుస్తోంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home