తెలుగు హీరోల్లో సూపర్ స్టార్ మహేష్ బాబు కి ఓవర్సీస్ ఎక్కువమంది అభిమానులున్నారన్న సంగతి అందరికీ తెలిసిందే. అందుకే మహేష్ కొరటాల శివ దర్శకత్వంలో చేసిన భరత్ అనే నేను సినిమాని భారీ స్థాయిలో రిలీజ్ చేశారు. గురువారం రాత్రి అమెరికా వ్యాప్తంగా సుమారు 2000 స్క్రీన్లపై ప్రీమియర్ షోలను వేశారు. శుక్రవారం కూడా ఎక్కువ లొకేషన్లో ప్రదర్శించారు. దీంతో భారీ ఓపెనింగ్స్ వచ్చాయి. ప్రీమియర్ షోలు, శుక్రవారం కలక్షన్స్ కలుపుకుంటే 1,367,129 డాలర్లుగా నమోదైంది. దీంతో ఓపెనింగ్స్ తోనే వన్ మిలియన్ మార్క్ అధిగమించింది. ఈ సినిమాతో అమెరికాలో వన్ మిలియన్ మార్క్ దాటిన మహేష్ చిత్రాల సంఖ్య ఎనిమిదికి చేరింది.
1.భరత్ అనే నేను, 2. స్పైడర్, 3. బ్రహ్మోత్సవం, 4. శ్రీమంతుడు 5. ఆగడు, 6. నేనొక్కడినే 7. సీతమ్మవాకిట్లో సిరిమల్లె చెట్టు. 8 .దూకుడు… ఈ ఎనిమిది సినిమాలు వన్ మిలియన్ డాలర్ క్లబ్ లో చేరినవే. తెలుగు హీరోల్లో ఎన్టీఆర్, పవన్ కళ్యాణ్, అల్లు అర్జున్, నాని వంటి హీరోల సినిమాలు మూడు నాలుగు మాత్రమే.. వన్ మిలియన్ డాలర్ క్లబ్ లో చేరాయి. మహేష్ ఎనిమిది సినిమాలు ఈ మార్క్ ని దాటడం విశేషం. బాలీవుడ్ బ్యూటీ కైరా అద్వానీ హీరోయిన్ గా నటించిన ఈ సినిమా వీకెండ్స్ లో భారీ కలక్షన్స్ రాబట్టే అవకాశముంది.
