మహేష్ 25వ సినిమా టైటిల్ మెప్పించలేకపోయిందా?

మామూలుగా మహేష్ బాబు సినిమా అనగానే అభిమానులకు రోమాలు నిక్కబొడుచుకుంటే.. సాధారణ ప్రేక్షకులు కూడా టైటిల్ ఏమై ఉంటుందా? అని ఆసక్తిగా ఎదురుచూస్తుంటారు. అలాంటిది ప్రతిష్టాత్మక 25వ సినిమా అంటే ఆ అంచనాలు రెండింతలుంటాయి. కానీ.. మేకర్స్ ఆ సినిమాకి చాలా సింపుల్ గా “రిషి” అని టైటిల్ ఫిక్స్ చేసేసరికి ఫ్యాన్స్ కాస్త హర్ట్ అయ్యారు. ఇంతకీ రిషి అనేది సినిమా టైటిలా లేక సినిమాలో మహేష్ బాబు క్యారెక్టర్ పేరా అనే విషయంలో ఇంకా క్లారిటీ లేకపోయినప్పటికీ.. ఒకవేళ ఇదే గనుక అఫీషియల్ టైటిల్ అయితే ఫ్యాన్స్ నొచ్చుకోవడం ఖాయం.

మహేష్ బాబు కెరీర్ లో అత్యంత ప్రతిష్టాత్మకంగా ఏకంగా మూడు ప్రముఖ నిర్మాణ సంస్థలు కలిసి రూపొందిస్తున్న ఈ 25వ సినిమాకి సింపుల్ గా “రిషి” అని టైటిల్ మాత్రం పెట్టరని ఇప్పటికీ కొందరు అభిప్రాయపడుతున్నారు. ఇంకో రెండ్రోజుల్లో ఈ కన్ఫ్యూజన్ కి ఎలాగూ తెరపడుతుందనుకోండి. అప్పటివరకూ మాత్రం ఈ కన్ఫ్యూజన్ ను భరించాల్సిందే.