కొరటాల ఈసారైనా మాట నిలబెట్టుకుంటాడా!

ఒక రచయితగా ఎలాంటి కథనైనా నిబద్ధతో నిలబెట్టగల సత్తాతోపాటు దర్శకుడిగా రెండున్నర గంటలపాటు ప్రేక్షకుడ్ని సీటులో నుండి కదలనివ్వని ప్రతిభ పుష్కలంగా ఉన్న దర్శకుడు కొరటాల శివ. “మిర్చి, శ్రీమంతుడు, జనతా గ్యారేజ్” చిత్రాలతో హ్యాట్రిక్ సొంతం చేసుకొన్న కొరటాల శివకు ప్రస్తుతం భారీ క్రేజ్ తోపాటు బోలెడంత ఫేమ్ కూడా ఉంది. ఇన్ని మంచి క్వాలిటీస్ ఉన్న కొరటాలకి కూడా ఒక బ్యాడ్ హ్యాబిట్ ఉంది. అదే మాట మీద నిలబడలేకపోవడం. అంటే ఆయనేదో పెద్ద అబద్ధాలు ఆడేస్తాడని కాదు. సినిమా విడుదల తేదీల విషయంలో ఆయన ఇప్పటికే రెండుసార్లు మాట తప్పాడు.

శ్రీమంతుడు సినిమా విడుదల తేదీ ఫిక్స్ అయిపోయి మహేష్ అభిమానులందరూ సినిమా గురించి వెయిట్ చేస్తున్న తరుణంలో కొరటాల ఉన్నట్లుండి డేట్ మార్చాడు, అదే విధంగా “జనతా గ్యారేజ్”ను కూడా ఏకంగా నెలరోజులు పోస్ట్ పోన్ చేశాడు. దాంతో ఇప్పుడు మహేష్ అభిమానులు కాస్త టెన్షన్ పడుతున్నారు. మహేష్ 24వ సినిమా అయిన “భరత్ అనే నేను” (వర్కింగ్ టైటిల్) చిత్రం విడుదల తేదీని 2018 జనవరి 11కి నిర్మాతలు ఫైనల్ చేసిన విషయం తెలిసిందే. అయితే.. కొరటాల ట్రాక్ రికార్డ్ ను దృష్టిలో పెట్టుకొని.. ఈసారైనా పోస్ట్ పోన్ చేయకుండా చెప్పిన టైమ్ కి చెప్పినట్లు వస్తాడా లేక మళ్ళీ మారుస్తాడా అనేది ప్రస్తుతం ఆలోచించాల్సిన అంశం. అదే సమయానికి సంక్రాంతి బరిలో బాలకృష్ణ కూడా ఉండడంతో ఈ పోటీ మరింత రసవత్తరంకానుంది.

Also, do SUBSCRIBE to our YouTube channel to get latest Tollywood updates.