అనుకున్న సమయం కంటే ముందుగా స్పైడర్ ట్రైలర్ రిలీజ్ కావడం, అది అద్భుతంగా ఉండడంతో మహేష్ అభిమానులు సంబర పడాలి.. కానీ ఆందోళనలో ఉన్నారు. కారణం ఏమిటంటే .. లీకేజీలు. స్టార్ డైరక్టర్ మురుగదాస్ దర్శకత్వంలో సినిమా అనగానే క్రేజ్ నెలకొని ఉంది. భారీ బడ్జెట్, భారీ తారాగణంతో ఏకకాలంలో తెలుగు, తమిళ భాషల్లో నిర్మితమైన ఈ మూవీకి మొదటి నుంచి లీకుల బెడద వెంటాడుతోంది. చిత్ర యూనిట్ ఎన్ని జాగ్రత్తలు తీసుకున్నప్పటికీ షూటింగ్ ఫోటోలు సోషల్ మీడియాలో ప్రత్యక్షమయ్యాయి. అంతేకాదు టీజర్ ని గ్రాండ్ గా రిలీజ్ చేయాలనుకుంటే ముందుగానే లీకేజియింది.
ఆ సంఘటన నుంచి తేరుకొని ట్రైలర్ ని ప్రీ రిలీజ్ వేడుకలో రిలీజ్ చేయాలనీ అనుకున్నారు. కానీ నిర్మాత కోసం ఎడిటర్స్ పంపించిన ట్రైలర్ వీడియో వాట్స్ అప్ ద్వారా లీక్ అయింది. నిన్న రాత్రి పది గంటలకు అందరి సెల్ ఫోన్లలో ఈ ట్రయల్ చక్కర్లు కొడుతుండడంతో అవాక్కయిన చిత్ర యూనిట్ సభ్యులు హడావుడిగా నిన్న రాత్రి 12 గంటలకు అధికారికంగా ట్రైలర్ ని రిలీజ్ చేశారు. ఈ లీకేజీలు మహేష్ ఫ్యాన్స్ ని కంగారు పెడుతోంది. సినిమా కూడా రిలీజ్ కి ముందే సోషల్ మీడియాలో ప్రత్యక్షం అవుతుందేమోనని టెన్షన్ పడుతున్నారు. ఇప్పటికైనా మేల్కొని ఇలా లీకేజీ కాకుండా స్పైడర్ టీమ్ ఎటువంటి చర్యలు తీసుకుంటుందో చూడాలి.
Also, do SUBSCRIBE to our YouTube channel to get latest Tollywood updates.
