ఇగోలు పక్కన పెట్టి మహేష్- పూరి సినిమా చేయాలట

మహేష్-పూరి జగన్నాధ్ కాంబినేషన్ లో రెండు సినిమాలు వచ్చాయి ఒకటి పోకిరి మరోటి బిజినెస్ మేన్. పోకిరి ఇండస్ట్రీ హిట్ కాగా, బిజినెస్ మేన్ సూపర్ హిట్ గా నిలిచింది. ఈ హిట్ కాంబినేషన్ లో సినిమా వచ్చి దాదాపు ఎనిమిదేళ్లు అయిపోతుంది. బిజినెస్ మేన్ 2012లో విడుదలయ్యింది. మహేష్ బాబుకి పోకిరి లాంటి ఇండస్ట్రీ హిట్ ఇచ్చిన దర్శకుడు పూరి జగన్నాధ్ తో మూవీ చేయాలని ఆయన ఫ్యాన్స్ ఎప్పటి నుండో ఎదురుచూస్తున్నారు. కాగా గతంలో పోకిరి సీక్వెల్ వచ్చే అవకాశం ఉందంటూ వార్తలు వచ్చాయి. అలాగే పూరి మహేష్ సోషల్ కాన్సెప్ట్ తో ఓ భారీ చిత్రం తీయడానికి సన్నాహాలు చేశారు. జనగణమన అనే టైటిల్ తో ఆ మూవీని తెరకెక్కించాలని పూరి భావించాడు.

ఐతే ఆ భారీ ప్రాజెక్ట్ కార్యరూపం దాల్చలేదు. అలాగే బిజినెస్ మెన్ మూవీ తరువాత పూరి గ్రాఫ్ అంతగా బాగోలేదు. 2015లో ఎన్టీఆర్ తో చేసిన టెంపర్ సినిమాతో అయన ఫార్మ్ లోకి రాగా, మళ్ళీ ఇస్మార్ట్ శంకర్ వరకు ఆయన వరుస పరాజయాలు చవిచూశారు. దానితో పాటు ఈ మధ్యలో పూరి మహేష్ తో మూవీ చేయడానికి చాల ప్రయత్నించి విఫలం చెందాడు. ఎంతగా ప్రయత్నించినా మహేష్ పూరికి అవకాశం ఇవ్వలేదు. అందుకే ఇటీవల ఓ ఇంటర్వ్యూ లో మహేష్ నన్ను హిట్స్ లో ఉన్నప్పుడే పట్టించుకుంటాడు అని ఓపెన్ గా కామెంట్ విసిరాడు. వీరిద్దరి మధ్య ఎన్ని ఇగోలు, గొడవలు ఉన్నా.. ఓ మూవీ చేయాలని ఫ్యాన్స్ కోరుకుంటున్నారు.

Most Recommended Video

యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!