మహేష్ గొప్ప నటుడు : మురుగ దాస్

బాలీవుడ్ నటుడు అమీర్ ఖాన్, టాలీవుడ్ మెగా స్టార్ చిరంజీవి, తమిళ నటులు సూర్య, విజయ్ లకు బ్లాక్ బస్టర్ హిట్ అందించిన దర్సకుడు ఏఆర్. మురుగ దాస్ సూపర్ స్టార్ మహేష్ బాబు ని అభినందనలతో ముంచెత్తాడు.  వీరిద్దరి కాంబినేషన్ లో ఓ సినిమా రూపుదిద్దుకుంటోంది. రెండు రోజుల క్రితం హైదరాబాద్లో మూవీ రెండో షెడ్యూల్ మొదలైంది. ఈ డైరక్టర్ తమిళ మీడియాకు ఇచ్చిన  ఇంటర్వ్యూ లో ప్రిన్స్ గురించి చెప్పారు.

తాను కథ చెప్పినప్పుడు ఎంత శ్రద్ధగా విన్నారో, అదే విధంగా ఒక సీన్ గురించి వివరించేటప్పుడు అంతే శ్రద్ధగా మహేష్ వింటారని వెల్లడించారు. “షూటింగ్ లో కట్ చెప్పగానే ఆయన నా వైపు చూస్తారు. నా  మోహంలో ఏ మాత్రం అసంతృప్తి కనిపించినా రీ టేక్ కి చేద్దామని నన్ను అడుగుతారు. వృత్తి పట్ల అయన అంకిత భావాన్ని ఈ సినిమా వల్ల నేను చూడగలిగాను. మహేష్ గ్రేట్ యాక్టర్” అని మురుగ దాస్ చెప్పారు.  సెట్లో కూడా ఆయన హుందాగా నడచుకుంటారంటూ ప్రశంసించారు.