టాలీవుడ్ సీనియర్ హీరోలలో ఒకరైన నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ షో ప్రేక్షకులను బాగానే ఆకట్టుకుంటోంది. ఈ షో వల్ల ఆహా ఓటీటీకి సబ్ స్క్రిప్షన్లు ఊహించని స్థాయిలో పెరిగాయని తెలుస్తోంది. అయితే ఈ షోకు మహేష్ బాబు గెస్ట్ గా హాజరు కానున్నారని ఇండస్ట్రీ వర్గాల్లో వినిపిస్తోంది. ఎన్టీఆర్ హోస్ట్ చేస్తున్న ఎవరు మీలో కోటీశ్వరులు షోకు మహేష్ హాజరు కాగా బాలయ్య హోస్ట్ చేస్తున్న షోకు కూడా సూపర్ స్టార్ హాజరు కానున్నారని ప్రచారం జరుగుతుండటం గమనార్హం.
డిసెంబర్ 4వ తేదీన ఈ ఎపిసోడ్ షూటింగ్ జరగనుందని తెలుస్తోంది. అధికారిక ప్రకటన లేకపోయినా వైరల్ అయిన ఈ వార్త వల్ల బాలయ్య ఫ్యాన్స్, మహేష్ బాబు ఫ్యాన్స్ తెగ సంతోషిస్తున్నారు. సాధారణంగా ఇలాంటి షోలలో పాల్గొనడానికి మహేష్ ఎక్కువగా ఆసక్తి చూపరు. బాలయ్య తన షో ద్వారా సూపర్ స్టార్ మహేష్ బాబు సీక్రెట్స్ ను బయటపెడతారేమో చూడాల్సి ఉంది. చేతికి కట్టుతోనే బాలయ్య అన్ స్టాపబుల్ షోకు హాజరవుతున్నారు.
కొన్నిరోజుల క్రితం బాలయ్య, మహేష్ కాంబినేషన్ లో కొరటాల శివ డైరెక్షన్ లో మల్టీస్టారర్ మూవీ తెరకెక్కనుందని వార్తలు వైరల్ అయ్యాయి. అయితే ఈ సినిమాకు సంబంధించి అధికారిక ప్రకటన వెలువడలేదు. మరోవైపు బాలయ్య నటించిన అఖండ కొత్త రికార్డులు క్రియేట్ చేస్తుందని ఫ్యాన్స్ భావిస్తున్నారు. బాలయ్య కెరీర్ లోనే హైయెస్ట్ బడ్జెట్ తో ఈ సినిమా తెరకెక్కింది. ఏపీలో టికెట్ రేట్లు తక్కువగా ఉండటం వల్ల అఖండ నిర్మాతలకు లాభాలు తగ్గుతున్నాయని తెలుస్తోంది.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
Home