బాహుబలి సినిమాల తర్వాత రాజమౌళి చేస్తున్న సినిమాపై అంచనాలు మామూలుగా లేదు. ఆయన తొలి సారి మల్టీ స్టారర్ మూవీ చేయడం.. అది కూడా నందమూరి, మెగా హీరోలు కలిసి నటిస్తుండడంతో సూపర్ క్రేజ్ వచ్చింది. ఈ సినిమా తెరకెక్కించడంలోనే కాదు.. పబ్లిసిటీ విషయంలోను రాజమౌళి పక్కాగా ఉన్నారు. ఫస్ట్ లుక్ నుంచి ప్రతి విషయంలోనూ హాలీవుడ్ టెక్నీషియన్ల ప్రమేయం ఉండనుంది. అలాగే బాలీవుడ్ డిస్ట్రిబ్యూటర్లు ఈ సినిమాని ఏ విధంగా ప్రజల్లోకి తీసుకెల్లాలో ఆలోచిస్తున్నారు. ఇలా #RRR చిత్రానికి వెనుక చాలా పని జరుగుతోంది. డీవీవీ దానయ్య నిర్మిస్తున్న ఈ చిత్రం కోసం నగర శివార్లలో భారీ సెట్స్ వేస్తున్నారు.
అలాగే రామోజీ ఫిలిం సిటీలో భారీ సెట్స్ వేస్తున్నారు. కథ విషయంలో అనేక కథలు వినిపిస్తున్నప్పటికీ రాజమౌళికి తప్ప ఎన్టీఆర్, రామ్ చరణ్ కూడా తెలియదు. తాజాగా ఈ చిత్రానికి సంబంధించిన ఓ ఆసక్తికర విషయం బయటికి వచ్చింది. ఈ సినిమాకి వాయిస్ ఓవర్ మహేష్ బాబు ఇవ్వనున్నట్టు ఫిలిం నగర్ వాసులు చెప్పుకుంటున్నారు. ఎన్టీఆర్, చెర్రీలతో మహేష్ కి మంచి స్నేహం ఉంది. అలాగే రాజమౌళి అంటే మహేష్ కి గౌరవం. అందుకే రాజమౌళి అడగ్గానే మహేష్ ఒప్పుకున్నట్టు తెలిసింది. ఈ ప్రాజెక్ట్ కి మహేష్ తోడవడం మరింత బలం చేకూరినట్టేనని సినీ విశ్లేషకులు చెబుతున్నారు.
Home