టాప్ టెన్ డిసైరబుల్ మెన్ లో స్థానం సంపాదించుకున్న సౌత్ ఇండియన్ స్టార్

ప్రముఖ దిన పత్రిక టైమ్స్ ఆఫ్ ఇండియా ప్రతి ఏడాది దేశంలోని సోగ్గాళ్ళ జాబితాను విడుదల చేస్తుంది. అలాగే దేశంలోని యువ సెలబ్రిటీలలో 2016 లో ఎక్కువమందిని ఆకర్షించిన, వార్తల్లో నిలిచిన 50 మంది పేర్లను ఈ సారి ప్రకటించింది. “50 మోస్ట్ డిసైరబుల్ మెన్” పేరిట విడుదల చేసిన జాబితాలో టీవీ పెర్సనాలిటీ, మోడల్ రోహిత్ ఖండేల్వాల్ తొలి స్థానం, క్రికెటర్ విరాట్ కోహ్లీ రెండో స్థానంలో నిలిచారు. టాప్ టెన్ డిసైరబుల్ మెన్ లో హృతిక్ రోషన్, రణ్వీర్ సింగ్ వంటి బాలీవుడ్ హీరోలు ఎక్కువమంది స్థానం సంపాదించుకోక, సౌత్ ఇండియా నుంచి మహేష్ బాబు ఒక్కరే ఉన్నారు. ఏడవ స్థానంలో నిలిచి తన సత్తాని నిరూపించుకున్నారు.

మహేష్ గత సినిమా బ్రహ్మోత్సవంతో అపజయాన్ని ఎదుర్కొన్నప్పటికీ చార్మింగ్ తగ్గలేదు. 2015 మోస్ట్ డిసైరబుల్ మెన్ జాబితాలో ఆరో స్థానంలో ఉన్న మహేష్ ఒక స్థానం మాత్రమే కిందకి వచ్చారు. ఇక  బాహుబలి సినిమాతో దేశం మొత్తం అభిమానులను సంపాదించుకున్న ప్రభాస్, రానా ఈ జాబితాల్లో 22, 24 వ స్థానాలను దక్కించుకున్నారు.

Also, do SUBSCRIBE to our YouTube channel to get latest Tollywood updates.