మహేష్ తో మూడోసారి జతకట్టనున్న కాజల్

సూపర్ స్టార్ మహేష్ బాబుతో టాలీవుడ్ క్వీన్ కాజల్ అగర్వాల్ రెండు సార్లు కలిసి నటించింది. బిజినెస్ మ్యాన్ సినిమా సూపర్ హిట్ కాగా.. బ్రహ్మోత్సవం నిరాశపరిచింది. మూడోసారి వీరిద్దరూ కలిసి నటించనున్నారు. మహేష్ బాబు తాజాగా భరత్ అనే నేను సినిమాతో బ్లాక్ బస్టర్ హిట్ అందుకున్నారు. దీని తర్వాత వంశీ పైడిపల్లి దర్శకత్వంలో నటించనున్నారు. జిగేల్ రాణి పూజా హెగ్డే హీరోయిన్ గా నటించనున్న ఈ మూవీ వచ్చే నెల చివరి వారంలో సెట్స్ మీదకు వెళ్లనుంది. ఎక్కువ భాగం అమెరికాలో షూటింగ్ జరుపుకోనున్న ఈ సినిమా తర్వాత కథకు కూడా మహేష్ ఒకే చెప్పారు. అర్జున్ రెడ్డి సినిమాతో సంచలనం సృష్టించిన సందీప్ వంగా దర్శకత్వంలో నటించడానికి గ్రీన్ సిగ్నల్ ఇచ్చారు.

ఈ మూవీకి ప్రీ ప్రొడక్షన్ వేగంగా సాగుతోంది. ఇందులో హీరోయిన్ గా కాజల్ అయితే బాగుంటుందని సందీప్ భావించడం.. ఆమెను సంప్రదించడం.. అందుకే ఆమె ఒకే చెప్పడం… జరిగిపోయినట్లు ఫిలింనగర్ వాసులు చెప్పారు. స్క్రిప్ట్ కంప్లీట్ అయి.. షెడ్యూల్ డిజైన్ చేసినప్పుడు.. కాజల్ సంతకాలు చేయనుంది. డేట్స్ కేటాయించనుంది. అప్పుడు ఈ విషయాన్నీ అధికారికంగా ప్రకటించనున్నారు. యువ హీరో విజయ్ దేవర కొండతో అదిరిపోయే చిత్రాన్ని తెరకెక్కించిన సందీప్.. సూపర్ స్టార్ మహేష్ తో ఎటువంటి సంచలనం సృష్టిస్తాడో చూడాలి.