Mahesh Babu: మహేష్ స్టైలిష్ లుక్ అదిరిపోయిందిగా.. ఎవరికీ సాధ్యం కాదంటూ?

సూపర్ స్టార్ మహేష్ బాబు (Mahesh Babu)  ప్రస్తుతం ఫ్యామిలీతో విదేశాల్లో ఉన్నారు. సోషల్ మీడియాలో యాక్టివ్ గా ఉండే మహేష్ బాబు తాజాగా లేటెస్ట్ ఫోటోలను పంచుకోగా ఆ ఫోటోలను చూసిన ఫ్యాన్స్ ఫిదా అవుతున్నారు. మహేష్ స్టైలిష్ లుక్స్ అదిరిపోయాయని మహేష్ ను చూసి చాలామంది కుళ్లుకోవడం గ్యారంటీ అని అభిమానులు సోషల్ మీడియా వేదికగా కామెంట్లు చేస్తుండటం గమనార్హం. మహేష్ రేంజ్, రెమ్యునరేషన్ సైతం పెరుగుతున్నాయి. మహేష్ లా చాలా సంవత్సరాల పాటు అందంగా కనిపించడం ఎవరికీ సాధ్యం కాదని మరి కొందరు కామెంట్లు చేస్తున్నారు.

మరోవైపు మహేష్ బాబు త్వరలో రాజమౌళి  (Rajamouli)  సినిమా షూటింగ్ కు సంబంధించిన అప్ డేట్ ఇస్తారని ఫ్యాన్స్ ఫీలవుతున్నారు. ప్రస్తుతం తెలుగు రాష్ట్రాల్లో ఎండలు మండిపోతున్న సంగతి తెలిసిందే. అందువల్ల ఈ సినిమా షూట్ కూడా ఆలస్యం అయిందని సమాచారం అందుతోంది. జక్కన్న అద్భుతమైన స్క్రిప్ట్ ను ఇప్పటికే సిద్ధం చేయగా నటీనటుల ఎంపిక ప్రక్రియ ఇంకా మొదలు కాలేదని సమాచారం అందుతోంది. త్వరలో రాజమౌళి క్యాస్టింగ్ కు సంబంధించిన పనులను పూర్తి చేయనున్నారని తెలుస్తోంది.

రాజమౌళి సినిమా కోసం హీరోలు పడే కష్టం మామూలుగా ఉండదనే సంగతి తెలిసిందే. మహేష్ బాబు గతంలో ఏ సినిమా కోసం కష్టపడని స్థాయిలో ఈ సినిమా కోసం కష్టపడ్డారని భోగట్టా. మహేష్ బాబు రాజమౌళి సినిమా పూర్తైన వెంటనే వేగంగా సినిమాలలో నటించేలా కెరీర్ ను ప్లాన్ చేసుకుంటే బాగుంటుందని నెటిజన్లు చెబుతున్నారు.

ఈ సినిమా కోసం మహేష్ మూడేళ్ల సమయం కేటాయించే ఛాన్స్ అయితే ఉంది. మహేష్ సినిమా ఆలస్యమైనా యాడ్స్ ద్వారా మాత్రం మహేష్ బాబు అభిమానులకు దగ్గరగానే ఉంటారు. రాజమౌళి సినిమాతో మహేష్ బాబు 100 కోట్ల రూపాయల పారితోషికం అందుకునే హీరోల జాబితాలో చేరనున్నారు. మహేష్ కెరీర్ ప్లానింగ్ మాత్రం అద్భుతంగా ఉంది.