అర్జున్ రెడ్డి డైరక్టర్ కి అవకాశమిచ్చిన మహేష్ బాబు!

సూపర్ స్టార్ మహేష్ బాబు తో సినిమా చేయాలని స్టార్ డైరక్టర్స్ క్యూలో ఉన్నారు. అయిన వారికీ దక్కని అవకాశం సందీప్ రెడ్డి కి దక్కింది. దీంతో ఈ వార్త టాక్ ఆఫ్ ది టాలీవుడ్ అయింది. అర్జున్ రెడ్డి మూవీ తో దర్శకుడిగా పరిచయమైనా సందీప్ రెడ్డి.. తొలి చిత్రంతోనే సంచలనం సృష్టించాడు. యువ హీరో, హీరోయిన్లతో తెరకెక్కిన సినిమా అయినప్పటికీ భారీ కలక్షన్స్ రాబట్టింది. ఈ సినిమాని చూసిన వెంటనే పాత్ బ్రేకింగ్ మూవీ అని సందీప్ రెడ్డి ని అభినందించారు. అంతేకాదు పర్సనల్ గా ఫోన్ చేసి అవకాశం ఇస్తాను మంచి కథ రెడీ చేయమని చెప్పినట్లు తెలిసింది. ఈ విషయాన్నీ స్వయంగా సందీప్ రెడ్డి చెప్పారు.

ఓ ఇంటర్వ్యూ లో డైరక్టర్ మాట్లాడుతూ “మహేష్ తో కలవడానికి అంతా ఒకే అయింది. స్టోరీ విషయంపై మహేష్ భార్య నమ్రతతో చర్చలు పూర్తి అయ్యాయి.  త్వరలోనే మహేష్ కి కథ వినిపిస్తా” అని వెల్లడించారు. ప్రస్తుతం మహేష్ స్పైడర్ రిలీజ్ హడావుడిలో ఉన్నారు. ఈనెల 27 తర్వాత కొంత సమయం దొరికే వీలుంది. అప్పుడు మహేష్ సందీప్ రెడ్డి కథ వినే ఆస్కారం ఉంది. మరి మహేష్ ని తన కథతో ఆకట్టుకుంటారో, లేదో కొద్దీ రోజుల్లో తెలియనుంది.

Also, do SUBSCRIBE to our YouTube channel to get latest Tollywood updates.