సూపర్ స్టార్ మహేష్ బాబు అందగాడని ప్రత్యేకంగా చెప్పనవసరం లేదు. అయితే సినీ రంగంలో కొన్నేళ్లు గడిచిన తర్వాత ఆ స్థానాన్ని మరో హీరో భర్తీ చేస్తుంటారు. కానీ గత పదేళ్లుగా టాలీవుడ్ లో అందమైన హీరో ఎవరంటే మహేష్ పేరే చెబుతున్నారు. వయసు పెరిగే కొద్దీ అతను మరింత అందంగా కనిపిస్తుండడం విశేషం. ఇప్పటివరకు క్లీన్ షేవ్ లో నటించిన మహేష్ తొలిసారి మీసం, గడ్డంతో నటిస్తున్నారు. భరత్ అనే నేను విజయం తర్వాత వంశీ పైడిపల్లి దర్శకత్వంలో మహేష్ చేస్తున్న మహర్షి మూవీ టీజర్ రీసెంట్ గా రిలీజ్ అయి అభినందనలు అందుకుంది. అందులో మహేష్ లుక్ కి ఎక్కువమంది ప్రసంశలు గుప్పించారు. దిల్ రాజు, అశ్వినీదత్, పీవీపీ కలిపి నిర్మిస్తున్న ఈ సినిమా వేగంగా షూటింగ్ జరుపుకుంటోంది. ఈ చిత్రీకరణ వీడియో ఒకటి నెట్లో లీక్ అయింది.
అందులో మహేష్ ని చూసి హాలీవుడ్ హీరోల ఉన్నాడని అందరూ కామెంట్స్ చేస్తున్నారు. అందుకే చిత్ర బృందం షూటింగ్ దృశ్యాలు లీక్ అయ్యాయని బాధపడకుండా మహేష్ కి వస్తున్న ప్రసంశలు చూసి ఆనందపడుతోంది. డీజే బ్యూటీ పూజా హెగ్డే హీరోయిన్ గా నటిస్తున్న ఈ చిత్రంలో మహేష్ కి స్నేహితుడిగా అల్లరి నరేష్ నటిస్తున్నారు. ఎక్కువ భాగం అమెరికాలో షూటింగ్ జరుపుకోనున్న ఈ మూవీ ఉగాది కానుకగా ఏప్రిల్ 5 న థియేటర్లోకి రానుంది. ఊపిరి సినిమా తర్వాత వంశీ దర్శకత్వం వహిస్తున్న ఈ చిత్రం పై భారీ అంచనాలు ఉన్నాయి.
