గత ఏడాది మేలో వంశీ పైడిపల్లి దర్శకత్వంలో మహేష్ చేసిన మహర్షి మూవీ విడుదలై సూపర్ హిట్ గా నిలిచింది. ఒక్క నైజాంలో ఈ చిత్రం 30కోట్లకు పైగా షేర్ వసూలు చేసి మహేష్ కెరీర్ బెస్ట్ రికార్డ్ నమోదు చేసింది. ఆ సినిమా తరువాత అనిల్ రావిపూడితో కమిటైన మహేష్ సరిలేరు నీకెవ్వరు షూటింగ్ లో ఉండగానే వంశీ పైడిపల్లి స్టోరీ లైన్ ఒకే చేశారు. దానితో కొన్నాళ్లుగా వంశీ పైడిపల్లి ఆ స్క్రిప్ట్ పై పనిచేసే ఫైనల్ స్క్రిప్ట్ సిద్ధం చేశారు. అనూహ్యంగా మరో రెండు నెలలో ఈ చిత్రం సెట్స్ పైకి వెళ్లనుండగా ప్రాజెక్ట్ ఆగిపోయిందని న్యూస్ వచ్చింది. మహర్షి మూవీ తరువాత మహేష్-వంశీ పైడిపల్లి మధ్య ఉన్న సాన్నిహిత్యం చూసిన ఎవరైనా ఇది ఒట్టి పుకారే అని అనుకోవచ్చు.
కానీ తాజా పరిస్థితులు దీనిని ధ్రువ పరుస్తున్నాయి. మహేష్ కొత్త కథలు వినే పనిలో కూడా ఉన్నారని తెలుస్తుంది. కొరటాల శివ మరియు మరికొందరు దర్శకుల కథలు విని ఎంపిక చేసుకోవాలని నిర్ణయించుకున్నారట. దీనితో మహేష్ కథ మళ్ళీ మొదటికి వచ్చింది అనుకుంటున్నారు అందరు. మహర్షి సినిమా తరువాత కేవలం ఎనిమిది నెలల్లో మహేష్ సరిలేరు నీకెవ్వరు విడుదల చేశారు. ఈ మధ్య కాలంలో మహేష్ నుండి ఇంత త్వరగా చిత్రాలు రాలేదు. ఆచితూచి సినిమాలు చేసే మహేష్ ఇన్నేళ్ల కెరీర్ లో చేసింది కేవలం 26 సినిమాలు మాత్రమే. వంశీ పైడిపల్లి మూవీ కూడా అనుకున్న ప్రకారం మే లో సెట్స్ పైకి వెళితే మరో 10నెలల్లో మూవీ విడుదల అయ్యేది. కానీ ఇప్పుడు కొత్తగా కథలు వినడం వలన చాలా సమయం తీసుకొనే అవకాశం కలదు. ఒక వేళ కొరటాల వంటి దర్శకుల కథ నచ్చినా ఆయన చిరు మూవీ నుండి బయటికి రావడానికి చాల కాలం పడుతుంది.
Most Recommended Video
‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!
