టాలీవుడ్ సినిమా ఇండస్ట్రీలో కొంతమంది హీరోలు దర్శకులు చాలా స్నేహంగా ఉంటారు. అలాంటివారిలో మహేష్ బాబు వంశీ పైడిపల్లి బెస్ట్ ఫ్రెండ్స్ అనే చెప్పాలి. వీరిద్దరూ కూడా కేవలం ఫ్రెండ్స్ మాత్రమే కాదు. ఫ్యామిలీకి సంబంధించిన ప్రతి ఈవెంట్ లో కూడా పాల్గొంటారు. అంతేకాకుండా కుటుంబ సమేతంగా అప్పుడప్పుడు విదేశాలకు కూడా కలిసి వెళుతూ ఉంటారు. వంశీ పైడిపల్లి కూతురు ఆద్యా అలాగే మహేష్ బాబు కూతురు సితార కూడా మంచి స్నేహితులు అని అందరికి తెలిసిందే.
అయితే పైడిపల్లి మహర్షి సినిమా ద్వారా మహేష్ బాబుకు చాలా క్లోజ్ అయ్యాడు. ఆ సినిమా కమర్షియల్ గా బాక్సాపీస్ వద్ద అనుకున్నంత సక్సెస్ ఇవ్వలేదు. కానీ నేషనల్ అవార్డు సాధించడంతో వంశీ పైడిపల్లి కి మంచి గుర్తింపు లభించింది. అతను వెంటనే కోలీవుడ్ స్టార్ హీరో విజయ్ తో కూడా ఓ సినిమా చేసేందుకు అగ్రిమెంట్ తీసుకున్నాడు. ఆ సినిమాను దిల్ రాజు నిర్మించబోతున్న విషయం తెలిసిందే. అయితే వంశీ పైడిపల్లి మహర్షి సినిమా తర్వాత మహేష్ బాబుతో మరో సినిమా చేయాలని అనుకున్నాడు.
కానీ ఆ కథ నచ్చకపోవడంతో మహేష్ బాబు వెంటనే పరుశురాం దర్శకత్వంలో సర్కారు వారి పాట సినిమాను మొదలు పెట్టాడు. ఇక వంశీ చెప్పిమా కథ నచ్చక పోయినప్పటికీ కూడా మహేష్ మరోసారి అతనికి అవకాశం ఇవ్వాలని అనుకుంటున్నా. కానీ అంతకంటే ముందు వంశీ బాక్సాఫీస్ వద్ద మంచి విజయాన్ని అందుకోవాల్సిన అవసరం ఎంతైనా ఉంది. విజయ్ తో చేయబోయే సినిమా కోసం దిల్ రాజు భారీ స్థాయిలో ఖర్చు పెడుతున్నాడు.
ఒకవేళ ఆ సినిమా సక్సెస్ అయితే మాత్రం మహేష్ బాబు వంశీ పైడిపల్లి కాంబినేషన్ సెట్టయినట్లే. కానీ మహేష్ బాబు రాజమౌళితో సినిమా చేసిన అనంతరం ఏ స్థాయికి వెళతాడో ఊహించడం కష్టం. మరి వంశీ పైడిపల్లి విజయ్ తో సక్సెస్ అందుకొని ఆ తరువాత మహేష్ రేంజ్ కు తగ్గట్టుగా కథను సెట్ చేస్తాడో లేదో చూడాలి.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
