దివంగత నేత, మహానటుడు ‘ఎన్టీఆర్’ జీవిత కథ ఆధారంగా తెరకెక్కిన ‘ఎన్టీఆర్ బయోపిక్’ నుండీ మొదటి భాగమైన ‘ఎన్టీఆర్ కథనాయకుడు’ చిత్రం సంక్రాంతి కానుకగా జనవరి 9న (నిన్న) విడుదలయ్యింది. మొదటి షో నుండే సూపర్ హిట్ టాక్ ను సొంతం చేసుకుంది ఈ చిత్రం. తాజా ఈ చిత్రం పై టాలీవుడ్ సూపర్ స్టార్ మహేష్ బాబు స్పందించాడు.
‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి
‘ఎన్టీఆర్ -కథానాయకుడు’ అద్భుతం అంటూ మహేశ్ ప్రశంసల జల్లు కురిపించడం విశేషం. మహేష్ తన ట్విట్టర్ ద్వారా స్పందిస్తూ… “సినిమా మహాద్భుతంగా ఉంది. ‘ఎన్టీఆర్’ కు ఈ స్థాయిలో ఇప్పటి వరకు ఎవరూ నివాళులు అర్పించలేదు. ఇది నిస్సందేహంగా గొప్ప నివాళి. ‘ఎన్టీఆర్’ పాత్రలో బాలకృష్ణ గారు ఇమిడిపోయారు, దర్శకుడు క్రిష్ వెండితెర కాన్వాస్‌పై అద్భుతం చెక్కాడు. ఆ మహానటుడి జీవితం గురించి ఎవరికీ తెలియని విషయాలు… చాలా అందంగా చిత్రీకరించి ప్రపంచానికి తెలియజేశాడు క్రిష్. నిజంగా ‘బ్రిలియంట్’ వర్క్ క్రిష్. ఇక ఈ చిత్రం కంటే ‘ఎన్టీఆర్ మహానాయకుడు’ మరింత అద్భుతంగా ఉంటుందని ఆశిస్తున్నాను… ఆ చిత్రం కోసం ఇప్పటినుండే ఏంటో ఆతృతగా ఎదురుచూస్తున్నాను…..” అంటూ పేర్కొన్నాడు. మహేష్ ఇలా ట్వీట్ చేయడం పై నందమూరి అభిమానులు ఆనందం తో సోషల్ మీడియాలో కామెంట్లు పెడుతున్నారు.
Home