Mahesh Babu: మరోసారి ఫ్యామిలీ ట్రిప్‌ వేస్తున్న సూపర్‌స్టార్‌!

సినిమాలు – కుటుంబం.. ఈ రెండింటినీ బ్యాలెన్స్‌ చేసే హీరోల్లో మహేష్‌బాబు ఒకరు. వరుసగా సినిమాలు చేస్తూనే కుటుంబానికి సమయం కేటాయించి వారితో సరదగా గడుపుతుంటారు. మధ్యలో యాడ్‌ షూట్లు, ఫొటో షూట్లు ఎలాగూ ఉంటాయి. అలాంటి మహేష్‌ బాబు ఈ ఏడాదిని పుట్టిన రోజుకు ఎక్కడ జరుపుకోబోతున్నాతో తెలుసా? మహేష్‌ దగ్గరి వ్యక్తులు చెబుతున్నవివరాల ప్రకారం అయితే ఈ పుట్టిన రోజుకు మహేష్‌ హైదరాబాద్‌లో ఉండటం లేదు.

మహేష్‌ బాబు తన 46వ పుట్టిన రోజును గోవాలో జరుపుకుంటాడని తెలుస్తోంది. ఒక రోజు ముందుగా అంటే ఈ నెల 8నే మహేష్‌ గోవా వెళ్లిపోతాడట. ఆ తర్వాత నమ్రత శిరోడ్కర్‌, గౌతమ్‌, సితార గోవా వెళ్తారని తెలుస్తోంది. గోవాలోనే ఎందుకు అంటే… ప్రస్తుతం మహేష్‌ నటిస్తున్న ‘సర్కారు వారి పాట’ చిత్రీకరణ అక్కడే జరుగుతోంది కాబట్టి. ‘సర్కారు..’ సెట్స్‌లోనే పుట్టిన రోజు వేడుక అని కూడా సమాచారం.

గతంలో అంటే 2018లో కూడా మహేష్‌ ఇలానే గోవాలో పుట్టిన రోజు వేడుక జరుపుకున్నాడు. ‘మహర్షి’ సినిమా షూటింగ్‌ కోసం గోవాలో ఉండగా… అక్కడ కుటుంబ సభ్యులతో వేడుక చేసుకున్నాడు. ఇప్పుడు మూడేళ్ల తర్వాత మళ్లీ అక్కడే అన్నమాట. మరోవైపు ఆ రోజు ‘సర్కారు వారి పాట’ టీజర్‌ విడుదల చేస్తారు. దీంతోపాటు కొన్ని కొత్త సినిమాల అనౌన్స్‌మెంట్లు కూడా ఉండొచ్చు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!