ప్రస్తుతం టాలీవుడ్ ఇండస్ట్రీతో పాటు ఇతర ఇండస్ట్రీల్లో కూడా మల్టీస్టారర్ సినిమాల హవా కొనసాగుతోంది. సంవత్సరంసంవత్సరానికి సినిమా బడ్జెట్లు భారీగా పెరుగుతున్న నేపథ్యంలో స్టార్ డైరెక్టర్లు మల్టీస్టారర్ సినిమాలపై దృష్టి పెట్టారు. ఇప్పటికే వరుస సినిమాలతో బిజీగా ఉన్న మహేష్ తో స్టార్ డైరెక్టర్ మురుగదాస్ మల్టీస్టారర్ సినిమాను ప్లాన్ చేస్తున్నారని తెలుస్తోంది. ఈ సినిమాలో మరో హీరోగా కమల్ హాసన్ నటిస్తారని సమాచారం. తెలుగు, తమిళ భాషల్లో క్రేజ్ ఉన్న మహేష్, కమల్ తో స్టార్ డైరెక్టర్ మురుగదాస్ సినిమాను తెరకెక్కిస్తే మాత్రం అంచనాలు మామూలుగా ఉండవు.
ఇప్పటికే మహేష్ బాబు వెంకటేష్ తో కలిసి మల్టీస్టారర్ మూవీ సీతమ్మ వాకిట్లో సిరిమల్లె చెట్టు సినిమాలో నటించగా ఆ సినిమా బాక్సాఫీస్ దగ్గర హిట్ గా నిలిచింది. మురుగదాస్ క్రియేటివ్ డైరెక్టర్ గా ఎన్నో సంచలన విజయాలను సొంతం చేసుకున్నారు. అయితే మహేష్ బాబు మురుగదాస్ కాంబినేషన్ లో తెరకెక్కిన స్పైడర్ సినిమా బాక్సాఫీస్ దగ్గర డిజాస్టర్ అయింది. తెలుగులో మురుగదాస్ తెరకెక్కించిన స్టాలిన్ సినిమా కూడా ఫ్లాప్ గా నిలిచింది.
మరి తమిళంలో స్టార్ డైరెక్టర్ అనిపించుకున్నా తెలుగులో ఫ్లాప్ డైరెక్టర్ అయిన మురుగదాస్ కు మహేష్ మళ్లీ ఛాన్స్ ఇస్తారో లేదో చూడాల్సి ఉంది. మరోవైపు మహేష్ బాబు ప్రస్తుతం సర్కారు వారి పాట సినిమాతో పాటు త్రివిక్రమ్ డైరెక్షన్ లో ఒక సినిమాలో నటిస్తున్నారు. మురుగదాస్ ఇప్పటికే కథను సిద్ధం చేశారని మహేష్ ఈ సినిమాలో సీబీఐ ఆఫీసర్ రోల్ లో కమల్ హాసన్ యువతి తండ్రి పాత్రలో నటించనున్నారని సమాచారం. అయితే ఈ సినిమాకు సంబంధించి అధికారక ప్రకటన వెలువడాల్సి ఉంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
