శమంతకమణి ట్రైలర్ ని స్టైలిష్ ట్రైలర్ అని చెప్పిన మహేష్ బాబు

యువ దర్శకుడు శ్రీరామ్ ఆదిత్య దర్శకత్వంలో తెరకెక్కిన చిత్రం శమంతకమణి. నారా రోహిత్, సుధీర్ బాబు, సందీప్ కిషన్, ఆది వంటి నలుగురు యువ హీరోలతో పాటు సీనియర్ హీరో రాజేంద్ర ప్రసాద్ నటించిన ఈ క్రైమ్ థ్రిల్లర్ మూవీ ఫస్ట్ లుక్ పోస్టర్ నుంచి అందరినీ ఆకట్టుకుంది. తాజాగా రిలీజ్ అయిన ట్రైలర్ కూడా అభినందనలు అందుకుంటోంది. ఈ ట్రైలర్ ని చూసిన సూపర్ స్టార్ మహేష్ బాబు స్పందించారు. తాను ఈ మధ్య చూసిన ట్రైలర్ లలో శమంతకమణి స్టైలిష్ ట్రైలర్ అని కితాబు ఇచ్చారు.

ఒక కారు చుట్టూ తిరిగే ఈ సినిమాలో సుధీర్ బాబు తనయుడు దర్శన్ కూడా న‌టిస్తున్నాడు. మణిశర్మ సంగీతం అందిస్తున్న ఈ సినిమా  ప్రీ రిలీజ్ ఈవెంట్ ను ఈరోజు ఘనంగా నిర్వహించేందుకు ఏర్పాట్లు చేస్తున్నారు. ఈ కార్యక్రమానికి నందమూరి బాలకృష్ణ, పూరి జగన్నాథ్ లు ముఖ్య అతిథిలుగా హాజరవుతారని ఫిలిం నగర్ వాసులు చెబుతున్నారు.

Also, do SUBSCRIBE to our YouTube channel to get latest Tollywood updates.