పెళ్లిరోజున దివ్యాంగులకు భోజనం అందించిన మహేష్ దంపతులు

సూపర్ స్టార్ మహేష్ బాబు, నమ్రతలు సాయానికి ముందు.. ప్రచారానికి వెనుక ఉంటారు. వారు చేసిన సేవలను చెప్పుకోవడానికి ఇష్టపడని ఈ దంపతులు తమ పెళ్లి రోజు కానుకగా పిల్లలు మంచి భోజనం అందించారు. మహేష్, నమ్రతలు ప్రేమించుకొని 2005 ఫిబ్రవరి 10 న పెళ్లి చేసుకున్నారు. వీరి ప్రేమకి ప్రతి రూపంగా గౌతమ్, సితార అని ఇద్దరు పిల్లలు కలిగారు. పిల్లలు పుట్టిన తర్వాత మహేష్ చిన్న పిల్లలకోసం అనేక సేవ కార్యక్రమాల్లో పాల్గొన్నారు. ఆర్ధిక సాయం చేశారు. అలాగే నేడు పెళ్లిరోజు  సందర్భంగా దేవ్నార్‌ పాఠశాలలోని 600 మంది దివ్యాంగులకు భోజనం అందించారు. చిన్నారులు చాలా కడుపునిండా భోజనం చేశారు.

భోజనం చేస్తున్న చిన్నారుల ఫొటోలు సోషల్‌మీడియాలో చక్కర్లు కొడుతున్నాయి. మహేష్ బాబు పెళ్లి రోజుని సెలబ్రేట్ చేసుకోకుండా “భరత్‌ అనే నేను” సినిమా షూటింగ్‌లో బిజీగా ఉన్నారు. కొరటాల శివ దర్శకత్వంలో చేస్తున్న ఈ సినిమా రామోజీ ఫిలిం సిటీలో షూటింగ్ జరుపుకుంటోంది. పోరాట సన్నివేశాలను తెరకెక్కిస్తున్నారు. బాలీవుడ్‌ బ్యూటీ  కైరా అద్వానీ  హీరోయిన్ గా నటిస్తున్న ఈ మూవీ    ఏప్రిల్‌ 27న రిలీజ్ కానుంది.