తన సినిమా ఫస్ట్ లుక్ పై స్పందించిన మహేష్ బాబు

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ తో సినిమా చేస్తున్నట్లు ప్రకటన వెలువడినప్పటి నుంచి ఆ సినిమా అప్డేట్స్ ను  ప్రిన్స్ అభిమానులు ఫాలో అవుతున్నారు. ఇన్వెస్టిగేట్ ఆఫీసర్ గా మహేష్ లుక్ చూద్దామని ఆతృతగా ఉన్నారు. సంక్రాంతికి వస్తుందని ఆశపడ్డారు… రాలేదు. రిపబ్లిక్ డే కి అన్నారు. అప్పుడూ రిలీజ్ కాలేదు. మహేష్ స్వయంగా ఉగాదికి వస్తుందని చెప్పారు. పండుగ వచ్చింది, వెళ్ళింది. లుక్ కాదుకదా.. టైటిల్ కూడా బయటికి రాలేదు. దీంతో ఫ్యాన్స్ మహేష్ పై చాలా కోపంగా ఉన్నారు. ఈ విషయం ప్రిన్స్ కి చేరడంతో అతను స్పందించారు. ఈ రోజు ట్విట్టర్ వేదికగా అభిమానులను రిక్వెస్ట్ చేశారు.

‘సినిమా బాగా రావాలని రాత్రీ పగలూ షూటింగ్‌ లో కషపడ్తున్నాం.. ఫస్ట్ లుక్ కోసం మీరు చాలా వైటింగ్ చేస్తున్నారన్న సంగతి నాకు తెలుసు..  అభిమానులు కొంత ఓపిక పట్టాలి.. అతి త్వరలో సినిమా ఫస్ట్‌ లుక్‌ని విడుదల చేస్తాం..’ అంటూ ట్వీట్ చేశారు. అంతేకాదు “ఈ కొత్త సంవత్సరం మీ జీవితంలో ఆనందాలు నింపాలని కోరుకుంటున్నాను” అని ఉగాది శుభాకాంక్షలు తెలిపారు. ఇప్పటికైనా తమ బాధను అర్ధం చేసుకున్నందుకు ప్రిన్స్ అభిమానులు సంతోషపడుతున్నారు.

Also, do SUBSCRIBE to our YouTube channel to get latest Tollywood updates.