మహేష్ బాబు, కీర్తి సురేష్ హీరోహీరోయిన్లుగా నటించిన సర్కారు వారి పాట సినిమా ఈ నెల 12వ తేదీన థియేటర్లలో విడుదల కానున్న సంగతి తెలిసిందే. ప్రస్తుతం ఈ సినిమా ప్రమోషన్ కార్యక్రమాలు వేగంగా జరుగుతున్నాయి. ఈ నెల 7వ తేదీన ఈ సినిమా ప్రీ రిలీజ్ ఈవెంట్ జరగనుందని హైదరాబాద్ పోలీస్ గ్రౌండ్స్ ఇందుకు సంబంధించి వేదికగా ఫిక్స్ అయిందని సమాచారం అందుతోంది. సోషల్ మీడియా ద్వారా ఈ విషయానికి సంబంధించి అధికారిక ప్రకటన వెలువడింది.
ప్రముఖ సంగీత దర్శకుడు థమన్ ఈ సినిమాకు సంగీతం అందిస్తుండగా ఈ సినిమా నుంచి మరో మాస్ సాంగ్ రిలీజ్ కానుంది. త్వరలో రిలీజ్ కానున్న ఈ మాస్ సాంగ్ సినిమాకే హైలెట్ అనే విధంగా ఉండనుందని సమాచారం అందుతోంది. మరోవైపు ఈ సినిమా ఎక్కువ నిడివితోనే థియేటర్లలో విడుదల కానుందని తెలుస్తోంది. సర్కారు వారి పాట సినిమా రన్ టైమ్ 2 గంటల 43 నిమిషాలు అని సమాచారం.
కేజీఎఫ్2 సినిమా కూడా దాదాపుగా ఇదే నిడివితో థియేటర్లలో విడుదలై సక్సెస్ సాధించిన సంగతి తెలిసిందే. కంటెంట్ అద్భుతంగా సినిమాకు నిడివి పెద్ద సమస్య కాదని ఇప్పటికే విడుదలైన పలు సినిమాలు ప్రూవ్ చేసిన సంగతి తెలిసిందే. బ్యాంకింగ్ రంగంలో స్కామ్ ఆధారంగా ఈ సినిమా తెరకెక్కిందని సమాచారం అందుతోంది. బాక్సాఫీస్ వద్ద సర్కారు వారి పాట బ్లాక్ బస్టర్ హిట్ గా నిలవాలని ఫ్యాన్స్ కోరుకుంటున్నారు.
మహేష్ అభిమానులను ఈ సినిమా కచ్చితంగా మెప్పించే అవకాశాలు అయితే ఉన్నాయని కామెంట్లు వ్యక్తమవుతున్నాయి. ఈ సినిమాలో లోన్ కలెక్షన్ ఏజెంట్ గా మహేష్ కనిపించనున్నారు. దర్శకుడు పరశురామ్ అన్ని వర్గాల ప్రేక్షకులను మెప్పించే కథాంశంతో ఈ సినిమాను తెరకెక్కించారని సమాచారం అందుతోంది. సర్కారు వారి పాట బాక్సాఫీస్ వద్ద ఎలాంటి ఫలితాన్ని అందుకుంటుందో చూడాల్సి ఉంది.
Home