Mahesh Babu, Prashanth Neel: ప్రశాంత్ మహేష్ సినిమాకు సమస్య ఇదే..?

ఈ మధ్య కాలంలో టాలీవుడ్ ఇండస్ట్రీలో దర్శకుడు ప్రశాంత్ నీల్ పేరు మారుమ్రోగుతున్న సంగతి తెలిసిందే. ప్రభాస్, ఎన్టీఆర్ సినిమాలకు దర్శకత్వం వహిస్తున్న ప్రశాంత్ నీల్ డైరెక్షన్ లో నటించడానికి మరి కొందరు స్టార్ హీరోలు ఆసక్తి చూపుతున్న సంగతి తెలిసిందే. అయితే సూపర్ స్టార్ మహేష్ బాబు మాత్రం ప్రశాంత్ నీల్ చెప్పిన కథ విని నో చెప్పారని ఇండస్ట్రీ వర్గాల్లో వినిపిస్తుండటం గమనార్హం. ప్రశాంత్ నీల్ చెప్పిన కథ నచ్చకపోవడంతో సున్నితంగా మహేష్ తిరస్కరించడంతో పాటు కొత్త కథ ఉంటే చెప్పమని కోరినట్లు తెలుస్తోంది.

పాన్ ఇండియా డైరెక్టర్ ప్రశాంత్ నీల్ కథను మహేష్ రిజెక్ట్ చేశారనే వార్త ఇండస్ట్రీ వర్గాల్లో చర్చనీయాంశమైంది. ప్రముఖ నిర్మాత డీవీవీ దానయ్య దర్శకుడు ప్రశాంత్ నీల్ కు అడ్వాన్స్ ఇచ్చిన సంగతి తెలిసిందే. మహేష్ ప్రశాంత్ నీల్ కాంబినేషన్ ఓకే అయితే డీవీవీ దానయ్య ఈ సినిమాను నిర్మించే అవకాశం ఉంది. ప్రశాంత్ నీల్ మరో కొత్త కథతో మహేష్ బాబును కలుస్తారేమో చూడాల్సి ఉంది. కేజీఎఫ్ సినిమా హిట్టైన సమయంలో మహేష్ బాబు ప్రశాంత్ నీల్ కు కాల్ చేసి మరీ అభినందించిన సంగతి తెలిసిందే.

అయితే ప్రశాంత్ నీల్ కథను మహేష్ రిజెక్ట్ చేసినట్టు వస్తున్న వార్తల్లో నిజానిజాలు తెలియాలంటే కొన్నిరోజులు ఆగాల్సిందే. ఒకవేళ ఈ కాంబినేషన్ లో సినిమా ఓకే అయితే మాత్రం మహేష్ రాజమౌళి సినిమా తరువాత ఈ సినిమా పట్టాలెక్కే అవకాశాలు ఉంటాయి.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!