పవర్ స్టార్ పవన్ కళ్యాణ్ 25 వ చిత్రంలో హీరోయిన్ గా నటిస్తున్న కీర్తి సురేష్, మహేష్ బాబు 25 వ చిత్రంలోనూ ఛాన్స్ అందుకుంది. ఇద్దరు స్టార్ హీరోల ప్రతిష్టాత్మక సినిమాల్లో హీరోయిన్ గా అవకాశం పట్టేసి టాక్ ఆఫ్ ది టాలీవుడ్ అయింది. సూపర్ స్టార్ మహేష్ బాబు ప్రస్తుతం మురుగదాస్ డైరెక్షన్లో ‘స్పైడర్’ సినిమాని చేస్తున్నారు. మిగిలిన ఒక పాట షూటింగ్ తో కంప్లీట్ అవుతుంది. అలాగే కొరటాల శివ దర్శకత్వంలో “భరత్ అను నేను” అనే సినిమా వేగంగా షూటింగ్ జరుపుకుంటోంది. దీని తర్వాత వంశీ పైడిపల్లితో తన 25వ సినిమాను చేయనున్నారు. దీనిని ప్రముఖ నిర్మాతలు దిల్ రాజు, అశ్విని దత్ లు సంయుక్తంగా నిర్మిస్తున్నారు.
ఈ మూవీ పూజా కార్యక్రమాలు అన్నపూర్ణ స్టూడియోలో ఈ రోజు నిర్వహంచారు. ఈ సందర్భంగా ఈ చిత్రంలో మహేష్ కి జోడీగా కీర్తి సురేష్ నటిస్తున్నట్లు తెలిసింది. ఈ విషయాన్నీ చిత్రం బృందం అధికారికంగా త్వరలో ప్రకటించనుంది. నేను శైలజ, నేను లోకల్ వంటి హిట్స్ అందుకున్న కీర్తి .. సావిత్రి బయో పిక్ మహానటి లో లీడ్ రోల్ పోషిస్తోంది. పవన్, మహేష్ సినిమాలతో ఈ భామ టాలీవుడ్ నంబర్ వన్ కిరీటాన్ని అందుకోబోతోంది.
Also, do SUBSCRIBE to our YouTube channel to get latest Tollywood updates.
