వంశీతో మహేష్ సినిమా!

గత కొంతకాలంగా వంశీ పైడిపల్లి దర్శకత్వంలో మహేష్ బాబు నటించనున్నాడనే వార్తలు జోరుగా వినిపిస్తున్నాయి. అయితే ఇప్పుడు ఈ విషయాన్ని అఫీషియల్ గా అనౌన్స్ చేశారు. ప్రముఖ నిర్మాణ సంస్థ పీవీపీ బ్యానర్ లో ఈ సినిమా రూపొందనుంది. ఈరోజు మహేష్ బాబు పుట్టినరోజు సంధర్భంగా ఈ విషయాన్ని అనౌన్స్ చేయడం జరిగింది. ఈ సినిమాకు సంబంధించిన ఎక్కువ షూటింగ్ అమెరికాలోనే ఉంటుందట. ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయి.

ప్రస్తుతం మహేష్ బాబు, మురుగదాస్ సినిమా షూటింగ్ లో బిజీగా గడుపుతున్నాడు. ఈ సినిమా పూర్తయిన వెంటనే వచ్చే ఏడాదిలో వంశీ సినిమా షూటింగ్ మొదలుకానుంది. ఈ సినిమానే కాకుండా.. మహేష్ బాబు, కొరటాల శివతో ఒక సినిమా, పూరీ జగన్నాథ్ తో మరో సినిమా అంగీకరించాడు. మరి ఈ సినిమా షూటింగ్ లు ఒకదాని తరువాత మరోకటి చేస్తాడో.. లేక ఒక సమయంలో రెండు సినిమాల చిత్రీకరణలో పాల్గొంటాడో చూడాలి!