Sarkaru Vaari Paata Movie: ఆ గడ్డపై అడుగుపెడుతున్న సూపర్ స్టార్

సూపర్ స్టార్ మహేష్ బాబు ప్రస్తుతం సర్కారు వారి పాట సినిమాలో నటిస్తున్న సంగతి తెలిసిందే. పరశురామ్ ఈ సినిమాకు దర్శకత్వం వహిస్తుండగా మహేష్ పరశురామ్ కాంబినేషన్ లో తెరకెక్కుతున్న తొలి సినిమా ఇదే కావడం గమనార్హం. అయితే మహేష్ ఈ సినిమా కోసం తన సినీ కెరీర్ లో షూటింగ్ కోసం ఎప్పుడూ వెళ్లని వైజాగ్ ప్రాంతానికి వెళుతున్నారని సమాచారం. మహేష్ సెంటిమెంట్ వల్ల మహేష్ ఇప్పటివరకు నటించిన సినిమాలేవీ వైజాగ్ లో షూటింగ్ జరుపుకోలేదు.

సర్కారు వారి పాట తరువాత షెడ్యూల్ విదేశాల్లో జరగాల్సి ఉండగా ఇతర దేశాలు అనుమతించకపోవడంతో వైజాగ్ లో సర్కారు వారి పాట తర్వాత షెడ్యూల్ జరగనుంది. జులై 12 నుంచి సర్కారు వారి పాట షూటింగ్ ప్రారంభం కానుందని ఈ షెడ్యూల్ తర్వాత ఫారిన్ షెడ్యూల్ ఉండబోతుందని సమాచారం. విశాఖలో పరశురామ్ హీరోహీరోయిన్లపై కొన్ని సన్నివేశాలను చిత్రీకరించనున్నారని తెలుస్తోంది. మహేష్ ఈ సినిమాతో విశాఖ సెంటిమెంట్ ను బ్రేక్ చేస్తుండటం గమనార్హం.

సర్కారు వారి పాట కోసం విశాఖ గడ్డపై అడుగు పెడుతున్న మహేష్ ఈ మూవీతో ఎలాంటి రిజల్ట్ సొంతం చేసుకుంటారో చూడాల్సి ఉంది. మహేష్ ఈ సినిమా కోసం 20 రోజులు వైజాగ్ లోనే ఉంటారని తెలుస్తోంది. తండ్రి నిజాయితీని నిరూపించడానికి విలన్ ఆట కట్టించే పాత్రలో మహేష్ బాబు నటిస్తున్నట్టు తెలుస్తోంది. యాక్షన్ కింగ్ అర్జున్ ఈ సినిమాలో మహేష్ కు విలన్ గా నటిస్తున్నారు.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!