మాస్ డైరక్టర్ బోయపాటి కాంబినేషన్లో మహేష్ మూవీ

సూపర్ స్టార్ మహేష్ బాబు సినిమాలను అంగీకరించడంలో మూడు అడుగులు ముందున్నారు. చేస్తున్న ప్రాజక్ట్ తర్వాత మూడు సినిమాలను ఫైనల్ చేస్తున్నారు. మురుగదాస్ డైరెక్షన్లో  ‘స్పైడర్’ సినిమా చేస్తున్న సమయంలోనే రెండు కథలను ఒకే చెప్పిన ప్రిన్స్, ఈ చిత్రం పూర్తి అయ్యే సరికి మరో స్టోరీకి గ్రీన్ సిగ్నల్ ఇచ్చారు. స్పైడర్ తర్వాత కొరటాల శివ దర్శకత్వంలో “భరత్ అను నేను” సినిమాను పట్టాలెక్కించారు. దీని తర్వాత వంశీ పైడిపల్లితో తన 25వ సినిమాను చేయనున్నారు. దీనిని ప్రముఖ నిర్మాతలు దిల్ రాజు, అశ్వినిదత్ లు సంయుక్తంగా నిర్మించనున్నారు. మహేష్ కెరీర్లో ల్యాండ్ మార్క్ మూవీ కానున్న ఈ ప్రాజక్ట్ కి ప్రీ ప్రొడక్షన్ పనులు జోరుగా సాగుతున్నాయి.

తాజాగా మహేష్ 26 సినిమాకి స్టోరీ ఫైనల్ అయింది. మాస్ డైరక్టర్ బోయపాటి శీను చెప్పిన కథ నచ్చడంతో ఒకే చెప్పినట్లు సమాచారం. ఈ కథ బోయపాటి స్టైల్లోనే ఊర మాస్ గా ఉండనుందని తెలిసింది. ప్రస్తుతం బోయపాటి “జయ జానకి నాయక” సినిమా చేస్తున్నారు. ఈ సినిమా తర్వాత మెగాస్టార్ చిరంజీవితో ఓ సినిమా చేయనున్నారు. ఆ తర్వాత మహేష్ ని డైరక్ట్ చేయనున్నట్లు ఫిలిం నగర వర్గాల వారు చెబుతున్నారు. సో విజిల్స్ వేయడానికి గెట్ రెడీ మహేష్ ఫ్యాన్స్.

Also, do SUBSCRIBE to our YouTube channel to get latest Tollywood updates.