సూపర్ స్టార్ మహేష్ బాబు కూతురు సితార గురించి అందరికీ తెలిసిందే. చిన్నప్పటి నుంచే సోషల్ మీడియాలో చాలా యాక్టివ్ గా ఉంటుంది సితార. తనకంటూ ప్రత్యేకమైన ఇమేజ్ ను సంపాదించుకుంది ఈ స్టార్ కిడ్. ఎప్పటికప్పుడు తనకు సంబంధించిన ఫొటోలను, వీడియోలను షేర్ చేస్తుంటుంది సితార. తాజాగా ‘కళావతి’ సాంగ్ కి స్టెప్పులేసింది సితార. ఈ వీడియోను ఇన్స్టాగ్రామ్ లో షేర్ చేసింది. అచ్చం తన తండ్రి మాదిరి స్టెప్పులేసి అలరించింది.
అంతేకాదు..కళావతి ఛాలెంజ్ పేరుతో ఈ పాటకు డాన్స్ చేసి షేర్ చేయాలని అభిమానులకు సూచించింది. తనకు నచ్చిన వీడియోలను ఇన్స్టాగ్రామ్ స్టేటస్ లో పెట్టుకుంటానని చెప్పింది. ఇక ఈ వీడియో చూసిన మహేష్, నమ్రత తమ ఆనందాన్ని సోషల్ మీడియా ద్వారా పంచుకున్నారు. ‘మై స్టార్.. నన్ను బీట్ చేసేశావ్’ అంటూ మహేష్ తన ఇన్స్టాగ్రామ్ స్టోరీస్ లో రాయగా.. ‘ఇంకేం చెప్పగలను.. లవ్ లవ్ లవ్ యూ మై లిటిల్ వన్’ నమ్రత రాసుకొచ్చింది.
సితార స్టెప్పులకు మహేష్ బాబు ఫ్యాన్స్ కూడా ఫిదా అవుతున్నారు. సితారను పొగుడుతూ కామెంట్స్ చేస్తున్నారు. మొత్తానికి ఈ స్టార్ కిడ్ తన సోలో డాన్స్ పెర్ఫార్మన్స్ తో అందరినీ ఆకట్టుకుంది. ‘సర్కారు వారి పాట’ సినిమాలో ఈ పాటకు మహేష్ బాబు, కీర్తి సురేష్ గ్రేస్ తో డాన్స్ చేశారు. దీంతో అభిమానులంతా ఈ సాంగ్ కి రీల్స్ చేస్తున్నారు. పరశురామ్ డైరెక్ట్ చేస్తోన్న ఈ సినిమాను మైత్రి మూవీ మేకర్స్ బ్యానర్ పై నిర్మిస్తున్నారు. తమన్ సంగీతం అందిస్తున్నారు. మే 12న ఈ సినిమాను విడుదల చేయడానికి సన్నాహాలు చేస్తున్నారు.
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
